西式蠔吧香港就見得多，日式牡蠣酒場卻少之有少！前幾日，結合咗牡蠣酒場、和洋食屋嘅「牡蠣酒場 かどや Kadoya」正式登陸銅鑼灣！店家主打日本牡蠣料理，除咗每日供應日本最新鮮嘅牡蠣，仲有由福岡主廚精心泡製嘅一系列佳餚，身為蠔怪當然第一時間幫襯！
內容目錄
結合洋食屋和酒場 嶄新日式蠔吧
日本洋食文化源自幕末至明治期間，原意為了讓西洋人嘗到家鄉味而開設，隨著越來越多洋食屋開設，融合了日式和西式菜餚，洋食屋成為了日本獨有文化。而酒場是日本居酒屋嘅別稱，提供性價比高嘅日本水果酒品及日式燒物，比人能夠在醉人嘅氛圍，與親朋好友共度美好時光。Kadoy牡蠣酒場將西式蠔吧概念融入上述兩者，於香港首設第一間牡蠣酒場海外分店，比人身在香港都品嘗到日本地道味道和品質。
日本蠔場直送牡蠣入饌 專人搜羅各地牡蠣
餐廳主打日本牡蠣料理，嚴選當季時令食材，專人每日喺日本為大家四出搜羅嘅新鮮牡蠣，凌晨2點將食材運到日本機場，下午4點到達香港。嚴選當造牡蠣，遍及北海道厚岸、佐呂間湖、小牧湖，以及岩手縣嘅釜石灣、大槌灣等地區。日本生蠔從蠔場產地直送。一共19個縣市、40個不同地方，每日大約提供10款。
主廚親自調配 七款口味牡蠣醬
主廚末永陽一曾於日本多間西日餐廳任職，均費盡心思設計每道佳餚，當中特別醉心研究牡蠣料理。末永陽一為Kadoy牡蠣酒場親自調配咗七款口味生牡蠣醬，包括乾蔥酢、海膽牛肉清湯啫喱、刁草檸檬啫喱、大葉啫喱、柚子啫喱、蕃茄清湯啫喱及泰辣青檸，以及不同口味燒牡蠣，不論味覺還是視覺，均令來到嘅人得到滿足。
牡蠣盛合 
肥美日本牡蠣。 
點上醬汁添鮮味！
豐富小菜及小食 令人耳目一新
除了新鮮牡蠣外，主廚同樣推出多樣化嘅菜式，包括燒牡蠣、串燒及小食等供客人選擇。串燒有14款，包括雞肉、鴨肝、牛肉、豚肉及蔬菜。其中佐賀縣產三瀨雞腿肉及熊本縣產雞脛柳更是招牌串燒，佐賀縣產三瀨雞係以法國雞和日本地雞混種培養，脂肪少而富有彈性，肉質嫩滑細膩，經過燒烤更能感受肉汁流淌。
而小食更有超過20款，包括沙律、炸物、刺身等，當中主廚推介為蒜片欖油生蠔，橄欖油融入了蒜嘅香氣與生蠔的鮮味，湯汁清澈、散發著香濃嘅蒜味。此外，廣島蠔拉麵也是深受大眾歡迎嘅一道菜式，廣島蠔飽滿肥美，湯底清香，加上濃香蠔味；更有主廚設計出的Fusion菜式海膽忌廉意大利麵，用上鮮甜日本海膽，再淋上香味濃郁的忌廉汁，味道相當香口。
編輯評審
味道：4.5
環境：4
服務：4
CP值：3.5
（*5為最高分）
【詳情】
牡蠣酒場 かどや Kadoya
營業時間：5:00pm – 00:00nm
地址：銅鑼灣謝斐道535號Tower 535 1樓101-102號舖
IG：@kakisakabakadoya | Facebook：@kakisakabakadoya
