歷山酒店重整旗鼓過後，近來推出全新半自助午餐及週末自助早午餐，仲分別設有8折及85折優惠呢！即平日來臨只需HK$288起，假日則HK$407起！可以一口氣嘗到多款精選美食，如炭燒西冷、和牛漢堡、刺身、壽司…等！早前小編就去試週末自助早午餐，即同大家分享下試食詳情！
內容目錄
歐洲宮庭設計 富麗堂皇
歷山酒店以雍容嘅歐洲宮庭設計見稱，瞬眼睇十足巴黎嘅凡爾賽宮！左右對稱嘅建築結構，充滿巴洛克風嘅設計，有大量水晶吊燈、高盧壁柱裝飾、雕刻及金飾，加上鮮明色彩，環境富麗堂皇，處處都係打卡位！
琳琅美食 水準不亞於晚市自助餐
食物方面，以假日lunch自助午餐嚟講，又有即開生蠔、多款凍海鮮、刺身、壽司、燒眼肉扒、羊架、各式中餐小菜、沙律、甜品及飲料….每個系列都起碼有10款或以上嘅餸或食物，選擇多多，感覺絕不輸比晚市自助餐呢！其中，小編最滿意刺身，刺身厚肉多款式；羊架及西冷都無根，啖啖肉；甜品則有超過30款蛋糕及雪糕，選擇都幾豐富！整體食物質素，我覺得都唔錯，絕對對得住個價錢。
全程用過濾水沖生蠔，好衛生。 
冰鎮生蠔，即點即開。
🌟 必食推介1：即開生蠔
質素方面，我覺得整體都大份兼新鮮！好似即開生蠔，用美國岩蠔，肉量適中，夠鮮甜，口感creamy得嚟不失脆口，幾高質。
🌟 必食推介2：班尼迪蛋
估唔到隨手攞嘅食物裏面，我竟然對呢一個班尼迪蛋好印象深刻，因為佢嗰隻蛋真係做得好高質！蛋嘅火喉剛剛好，蛋白全熟，蛋黃全液狀，一咬開即爆蛋汁，好誇張！加上荷蘭汁，香香甜甜好正！
🌟 必食推介3：刺身
歷山嘅刺身好足料！可揀三文魚、吞拿魚、鯛魚、帶子、日本虎蝦、油甘魚、赤貝，種類都幾多，師傅切出來，每件都有差不多1cm厚，一碟送上枱，感覺好澎湃！其中一定要食虎蝦，一份2隻，比一般甜蝦大3倍，蝦肉膠質幾重，爽口彈牙，食完好滿足！
🌟 必食推介4：凍海鮮
每次去食自助餐，最期待就係一系列凍海鮮！呢度分別有小龍蝦、蟹腳、青口、凍熟蝦、海螺及沙白等，個人最愛係蟹腳，夠晒鮮甜多肉！
伊頓雜莓蛋糕 
抹茶芝士蛋糕 
栗子蛋糕 
haagen dazs雪糕
🌟 必食推介5：甜品
甜品真係超多款式！有芒果拿破崙、茉莉花芝士餅、栗子蛋糕、伊頓雜莓蛋糕、朱古力奶凍、意大利芝士杯、蛋白杏仁茶，仲可以任食 Haagen Daz雪糕！說實話，淨係個甜品bar都值回票價！
當中芒果拿破崙都幾香口，拿破崙幾脆薄，擺咗一陣都無軟，幾好！伊頓雜莓蛋糕則口感香滑，入口即化，食完感覺好治癒！
🌟 其他必食推介：炭燒西冷扒、沙律及水果盤
炭燒西冷扒 
香草燒羊架 
各式水果
編輯評審
味道：4.5
環境：5
服務：4
CP值：4
（*5為最高分）
【詳情】
歷山餐廳 假日Brunch自助餐（星期六、日及公眾假期）
價格：成人HK$407*／位、兒童HK$196*／位（折扣價）
地址：北角城市花園道32號歷山酒店大堂樓層
自助餐網上預訂優惠：http://bit.ly/3kcHDqi
