春季來臨，百花爭妍！想感受花見嘅浪漫氣息，可以去九龍香格里拉大酒店！今年酒店聯乘Crabtree & Evelyn，出咗全新嘅”Dare To Be Different “拒絕平庸下午茶！下午茶靈感源自其品牌皇牌產品的四大系列，由新上任嘅酒店行政糕餅總廚 Dhilmin Silva 設計出一系列誘人嘅甜鹹美點，並以經典嘅鳥籠四層架盛載，無論味道還是打卡都令人滿足！
內容目錄
養顏成份入饌 從內出發展現年輕活力
“Dare To Be Different “下午茶靈感源自其品牌皇牌產品中嘅四大系列，分別有象徵「拒絕平庸」嘅Evelyn Rose玫瑰系列、「包容率真」嘅蘋果和佛手柑Crabtree系列、「擁抱自然」嘅巴西苺及枸杞The Gardeners系列，以及受峇里島啟發嘅香茅、椰子和檀香木Bali系列等，酒店主廚參考了其背後的理念，創作出多款鹹甜點，令人唔止外用，亦可透過舌尖，從內踏上美肌養顏之旅。
✦ 精選時令水果、鬆餅
我好少食下午茶係有水果盤！食完偏膩嘅點心，食下水果好舒心！另外，呢度嘅英式鬆餅好傳統，奶油味偏重，好香口，食完感覺飽肚。
✦ 甜點
包括：玫瑰荔枝忌廉配朱古力酥餅及紅桑梅糖、檸檬草奶凍酥餅配芒果慕絲及香橙啫喱、蘋果薑味慕絲配蘋果及佛手柑蛋糕、雲呢拿玫瑰味馬卡龍配紅桑梅及玫瑰花
4款甜品都以品牌嘅花果美顏成份去製作，我幾鍾意佢哋嘅甜品酸甜並重，食上口唔會好甜膩。其中最愛檸檬草奶凍酥餅配芒果慕絲及香橙啫喱！入口清新，果香濃重，酸酸甜甜，好啱夏天食！
雲呢拿玫瑰味馬卡龍配紅桑梅及玫瑰花。 
檸檬草奶凍酥餅配芒果慕絲及香橙啫喱。 
蘋果薑味慕絲配蘋果及佛手柑蛋糕。 
玫瑰荔枝忌廉配朱古力酥餅及紅桑梅糖。
✦ 鹹點
包括： 香茅椰子雞卷、鴨肝配薑及杞子醬、茉莉花茶味鮮蝦配車厘茄及水牛芝士、香辣帶子他他配薑及佛手柑醬
鹹點方面比我感覺好精緻， 有東南亞風嘅香茅椰子雞，又有中西合壁嘅茶味鮮蝦，同埋香辣鮮帶子等，全部都好有創意，口味別樹一格，整體好高質。
鴨肝配薑及杞子醬。 
茉莉花茶味鮮蝦配車厘茄及水牛芝士。 
香茅椰子雞卷。 
香辣帶子他他配薑及佛手柑醬。
送經典皇牌產品體驗禮物包
凡惠顧兩位用下午茶，而家仲送限量 Crabtree & Evelyn 經典皇牌產品體驗禮物包乙份，包括再生+滋養護手霜 (25ml)、自然氣息香水 (2ml)及 Crabtree & Evelyn 獨家85折購物優惠禮券，又食又拎，幾正！
編輯評審
味道：4
環境：4
服務：4
CP值：3.5
（*5為最高分）
【詳情】
“Dare To Be Different”下午茶
價格：每位HK$628（2人）
地址：香港九龍尖沙咀東麼地道64號
酒店網址：http://www.shangri-la.com/tc/hongkong/kowloonshangrila/
預訂網址：https://www.ksleshop.com/lobby-lounge/html/afternoon-tea-set-checkout-en.html
* 另收取加一服務費
