「hare」 源自日文「晴れ」，意指晴天，係人人喜愛嘅好天氣。
最近，佐敦就開咗全新嘅和洋食店「hare 晴舍」，店家將咖啡店及居酒居二合為一，白晝供應精品咖啡、糕點及定食，夜晚則有一系列清酒、本地精釀啤酒及和洋串燒美食，令人無論咩時間嚟，都可享受一趟味覺之旅！此外，店子設置開揚嘅落地大窗，陽光直灑入店，供人沐浴陽光，加上單棟式雙層格局，睇上去好有六本木商店街feel，日本定香港？傻傻分不清！作為日本菜粉絲，一定要試試！
「hare 晴舍」猶如六本木嘅摩登食店，和煦陽光灑進偌大空間，窗外迎來老樟樹風景，為煩囂城市帶來喘息綠洲。
內容目錄
擴闊味覺享受 推廣咖啡清酒文化
「hare 晴舍」由專業咖啡師Reeves與唎酒師Dennis共同創立，一方面希望提供一個比人怡情小酌、相聚嘅用餐空間；二嚟都可透過咖啡師、唎酒師及廚師團隊，喺香港進一步推廣精品咖啡、清酒及手工啤酒文化。
咖啡方面，晴舍有冷泡、冰滴、虹吸、手沖及拉花咖啡，最特別係源自日本松屋式嘅手沖咖啡，以高水柱以及加蓋悶蒸嘅方法，配合深烘焙咖啡豆，呈現出更鮮明嘅咖啡風味。至於酒藏，晴舍亦有唔少選擇，單係清酒已不下二十款，全部由唎酒師Dennis親自挑選，並推出清酒體驗旅程（Sake Flights），按著清酒薰、爽、醇、熟四大特色來配搭唔同菜式，比人體會到酒與菜餚嘅美妙配搭。
和洋美食 炭火香串燒
作為居酒屋，hare 晴舍自然少不了一系列和洋食菜餚及日式串燒，部份食材如薩摩雞肉、十勝豚肉、雞蛋及越光米等都係日本進口，加上日本訂製嘅日本串燒爐，食得設日本嘅風味。餐廳午市則供應和洋定食為主，包括刺身魚生飯、咖喱吉列豬扒飯、燒鯖魚定食、吉列廣島蠔定食、野菜天婦羅烏冬及關東煮配燒飯團等等。晚市以開胃佐酒前菜揭開序幕，如酒盗芝士、燒魔鬼魚魚鰭、味醂魚干；接著豐富的日式串燒選擇讓你大飽口腹，肉類方面有牛舌芯、十勝豚里脊、薩摩赤雞心、雞肝及雞腎；海鮮方面有惹味的雞皮蝦、廣島蠔及白鱔等；仲有一品料理及天婦羅炸物，選擇多多，無論閨蜜相聚或私人時光也同樣愜意。
✦ 前菜
hare 沙律 $108 
酒盗芝士 HK$68
✦ 特色串燒
雞皮海虎蝦 HK$58、大蔥薩摩赤雞 HK$38、十勝豚腹肉 HK$38、免治雞肉棒 HK$38、日本迷你甜薯 HK$18 
熊本A4和牛串燒（西冷,肉眼）HK$188
✦ 一品料理
燒飯團茶漬飯 HK$32 
啤酒煮大蜆 HK$118
✦ 昼食
✦ 飲品
Mocha HK$52 
冷泡茶- 花香牡丹 HK$70 
松屋式手沖 HK$70
編輯評審
味道：4
環境：4
服務：4
CP值：3
（*5為最高分）
【詳情】
hare 晴舍
營業時間：11:30am – 22:00pm
地址：佐敦德成街2號本木1樓
IG： @hare.hk | Facebook：@hare.japanesecoffeerestaurant
