大部分港人都視台灣為「鄉下」，鍾情當地嘅好山好水、純樸嘅人情味。可惜疫情持續多時，唔知幾時先再機會踏足寶島。如你都同小編一樣旅遊癮起，何不以食止癮，來一趟「味」遊台灣？
最近複合式咖啡店「鳥山。商號」就聯乘台灣辛香料品牌「杜甲A-Ma」，推出為期一個月嘅特色「阿嬤欸辣灶咖」菜單，以品牌旗下嘅台式辣椒產品打造一系列主食、甜點及飲品，設計創新又美味，絕對會顛覆大家對辣椒嘅概定印象！嚟鳥山尋找台灣風味，不失為一個止癮好方案！
「鳥山。商號」裝潢帶有台日風味，環境舒適。 
圓木框窗係「鳥山。商號」標誌設計。
內容目錄
杜甲A-Ma 台灣阿嬤菜餚味道
台灣辛香料品牌「杜甲A-Ma」創辦人李威辰係由阿嬤隔代教養長大嘅孩子，為紀念阿嬤，因此以她嘅名字「杜甲」為品牌命名；而「A-Ma」則係閩南語嘅「阿嬤」。李威辰係台灣研發「辣味」深耕近20年，研究以海量辣椒精煉出純天然辣油、芝麻油與自煸花椒油，調和出濃郁溫醇嘅自產辣油，並以此為基底，延伸出五大品項：辣醬、辣油、辣粉、辣味、香料，推出「杜甲A-Ma」全新辣味系列產品。
香.辣.麻. X 主菜.飲品.甜食 盛宴之旅
是次聯乘菜品，用咗杜甲A-Ma嘅全新辣油系列，為重現杜甲A-Ma嘅經典味道，年青咖啡師 Ericsson、旅居台灣嘅Andy，和「月食。甜點研究所」負責人Naki，分別把辣油搭配喺「飲料」、「餐點」和「甜食」三部分，令人有耳目一新嘅飲食體驗。
香麻魯肉飯與全日早餐
限定主食有「薟薑仔魯肉飯小拼盤」（$128）和「阿嬤欸全日早餐」（$148）兩款，均加咗「杜甲A-Ma香麻醬」和「杜甲A-Ma五香蒜辣油」兩款杜甲A-Ma醬料，讓人遊走於魯肉飯鹹甜口感與辣醬嘅香麻感覺。
薟薑仔魯肉飯加咗杜甲A-Ma嘅香麻醬及五香蒜辣油，非常香口。 
薟薑仔魯肉飯小拼盤 HK$128
「薟薑仔魯肉飯小拼盤」中嘅「薟薑仔」為辣椒嘅台語，當中以Andy喺宜蘭旅居時偷師學習而製作嘅地道魯肉醬，味道與香港能吃到嘅絕對不同。
「阿嬤欸全日早餐」則加上幻想空間，以阿嬤為年輕孫子準備西式 All-Day Breakfast 為故事，搭配以手工現打肉丸、鮮奶油培根辣味小吐司、台灣小吃甜不辣、蛋、沙拉菜、小盤薟薑仔魯肉飯，將西式 All-Day Breakfast 變成台式地道而有趣嘅全日早餐，非常獨特。
以「辣」調味的特調飲料
特調飲料方面，鳥山分別推出「辣台妹」及「奶油辣妹」，當中「辣台妹」以經典調酒 Rose Mary 為創作基礎，以「杜甲A-Ma大紅袍辣油」搭配蕃茄、辛香料、鮮檸檬、鹽巴等製作而成，為悶熱夏天帶來清爽感覺；「奶油辣妹」則以台灣飲料常見嘅「奶蓋」及「漸層飲料」為基調，同樣使用「杜甲A-Ma大紅袍辣油」搭配鮮奶、現磨咖啡、現煮糖漿等，把創意加到傳統咖啡上，讓人一試愛上。
辣台妹 HK$65 
奶油辣妹 HK$68
手工製作 禪味「辣」甜點
甜點部分則以大玩「禪味」 ，每款每件均由甜點師手工製作，每日只作限量供應，當中更與港人近日最紅的香菜（芫茜）作搭配以「杜甲A-Ma小川椒辣油」為主要調味，再撒上「杜甲A-Ma八味粉」做出兩款不同的甜點。
左：「柊」- 泰式椰子芫茜芝士蛋糕 HK$58；右：「松」 – 辣芒果摩卡生巧塔 HK$58 
「柊」入面係滿滿嘅芫茜！
現場互動展覽 五觀感受辛香料故事
餐點以外，「鳥山。商號」更設有 「杜甲A-Ma」互動展覽，介紹品牌故事及唔同產品，帶領大家從味覺、嗅覺等五觀，認識辛香料嘅歷史和氣味！
編輯評審
味道：4
環境：3.5
服務：4
CP值：3.5
（*5為最高分）
【詳情】
鳥山。商號 x 杜甲A-Ma 阿嬤欸辣灶咖限定菜單
日期：即日起至2021年8月15日
營業時間：星期一至四 8:00am – 6:00pm；
星期五 8:00am-10:00pm；
假日 10:00am-10:00pm
地址：紅磡蕪湖街111號蕪湖居地下C2號舖
IG：@islandmosa.co | FB：@islandmosa.co
