提起東京著名嘅沾汁麵，「神山麺屋」必然係其中嘅佼佼者。繼2017年進駐觀塘後，最近又於尖沙咀插旗！裝潢一貫型格又日系，最特別係加推新店限定嘅重量級 2人份「火山極盛豚肉沾汁麵 」，唔止比一般拉麵多 10 倍份量嘅「豚角燒」肉片，睇落十足一座「富士山」，非常澎湃，加上秘製豚骨及魚介雙湯頭沾汁，賣相與味道俱全，作為沾汁麵控，一定不可錯過！
型格日式黑牆，加上圈形小窗，打卡100分！ 
特色黑圈窗，好igable！ 
牆上釘滿日系木板裝飾，好有氣氛！ 
復古鎢絲燈。
內容目錄
每日限定10碗 重量級豚角燒極盛沾汁麵
神山以沾汁麵馳名，湯底均混合豚骨及魚介雙湯頭，花足12小時先熬製完成，份外鮮甜香濃。為咗滿足一眾沾麵fans，今次新店仲推出限定2人份「火山極盛豚肉沾汁麵 」，將招牌「豚角燒」刨成肉片，砌成日本神山「富士山」模樣，加上雙倍份量特製坑紋麵及豚骨魚介沾汁，賣相與味道俱全！據說，淨係每瑁豚角燒肉片嘅份量都係平時拉麵嘅10倍，食肉獸一定大滿足！當然，大份夾抵食嘅限定食品一般都有數量限定，「火山極盛豚肉沾汁麵」每日只賣10碗，售完即止哦！
先加坑紋麵及蔬菜。 
鋪上層層梅花肉。 
淋上辛辣醬。 
碗中「富士」即完成！
「火山極盛豚肉沾汁麵 」中嘅「豚角燒」以豬梅花肉製作，經過熬煮去掉多餘油份後，再放入秘製醬汁浸泡，再以 180 度高溫烤煮，表面烤炙至焦香狀態，功序非常繁複！職人最後再加上秘製辛辣醬，成件事肉質口感嫩滑細膩，入口鬆軟惹味，令人一試難忘。
軟腍梅花肉 魚介豚骨湯底拉麵
白神山豚角拉麵 HK$85（濃厚豚骨湯底） 
黑神山豚角拉麵 HK$85（黑蒜豚骨湯底）
除咗沾汁麵，神山嘅各式拉麵都值得一試！招牌湯頭選用大量豚骨、豚肉、日本魚介及秘製醬油調味，以慢火熬製超過12小時，再分別加入濃厚豚骨、辛味豚骨及黑蒜豚骨3款口味，切合唔同人口味。另外，小編最愛係當中嘅秘製豬梅花肉，帶微甜，軟腍入味，非常唔錯。
秘製豬梅花肉好入味，必食！ 
火喉掌握得不錯嘅溏心蛋。 
特製坑紋麵，掛汁一流。
北海道口味 微辣香濃湯咖哩
去北海道旅行，天寒地凍，每次都會食碗熱辣辣嘅湯咖哩暖胃！原來除咗麵食，神山仲有湯咖哩定食系列！店家用上36種香料，連同豚骨濃湯底一同熬煮9小時，味道濃郁少甜微辣，食得返地道嘅北海道風味！
原隻大雞脾！ 
昆布湯。 
蔬菜沙律。 
蒟蒻小食。
其他人氣小食
神山人氣小食之一。大廚將雞肉表皮炸至金黃酥脆，内裏仍然保持嫰滑多汁，保留到雞肉嘅原有香味，配上芥末醬，下酒配拉麵都相當適合。
神山首創產品，以豚肉新鮮包製，並煎至表皮金黃，再放入韭黃、菠菜及秘製豚骨湯中。餃子微脆，滲透肉香，感覺不錯。
編輯評審
味道：3.5
環境：3.5
服務：3.5
CP值：3.5
（*5為最高分）
【詳情】
神山 Kanzan Menya
電話：2332 0383
營業時間：11pm – 10pm
地址：九龍尖沙咀北京道12號及漢口道17號新聲大廈地下A&K及B號舖
IG：＠menyamusashi_hk | FB：@MenyaMusashiHK
