【2023】La Barra | 長沙灣新店 正宗西班牙菜館

by FLOWSPACE.HK
La Barra提供一系列地中海風味餐飲。
La Barra提供一系列地中海風味餐飲。

西班牙三面環海,喜愛選用各式海鮮、橄欖油、奶酪、魚類、番茄及大蒜等食材,飲食充滿濃郁嘅地中海風情。鍾情西班牙菜,卻不能前往當地細嘗,何不喺本地覓選正宗菜館,一解口腹之欲?
最近,長沙灣福榮街又添新貴,那就是”La Barra Tapas Spanish Restaurant“!餐廳主打正宗西班牙菜,主廚Peter更曾花逾8年時間跟西班牙人學師,加上店內菜餚中,大部分食材都自西班牙進口,不論口味及烹調手法都份外正宗!​作為西班牙菜控,必不可錯過!

橘紅/花磚/長吧檯設計 洋溢地中海風情

橙紅外牆,睇上去非常Sharp醒!
橙紅外牆,睇上去非常Sharp醒!

餐廳名為”La Barra”,喺西班牙語中解作「酒吧」。店長兼主廚指,西班牙酒吧多採用長條形吧檯設計,以此為概念,打造出開放式廚房,目的係為咗比客人一邊品酒嘗美食,一邊睇住佳餚嘅烹調過程,能與廚師有更多互動及交流。

另外,餐廳整體沿用咗大量西班牙色調,如牆身就用咗鮮豔嘅橘紅色,再配合花紋磁磚,睇上去更具地中海風味。

西班牙直送食材 自家製特色醬汁

為了塑造正宗西班牙口味,餐廳有九成以上嘅食材,如肉類及海鮮都來自海外入口,更有大部分食材由西班牙直接購入。另外,西班牙菜特別注重醬汁嘅配搭,因此Peter堅持每日新鮮自家調配醬汁。花盡心思,更不計成本引入多種西班牙新鮮進口食材,一切都反映Peter對於西班牙菜嘅追求和堅持。

✦ 西班牙海鮮飯 HK$248​

煙韌米粒,充分吸收海鮮湯精華!
煙韌米粒,充分吸收海鮮湯精華!
米飯比海鮮更出色!
米飯比海鮮更出色!

Paella可以話係西班牙最典型嘅菜式!呢個飯La Barra確係做得出色,只係薄薄一層咁鋪喺鍋底,米粒受熱平均,所以質感份外乾身煙韌!此外,米粒充滿吸索海鮮湯汁, 剛焗好放上枱真係鮮香撲鼻!超正!😍🤤​
至於海鮮就正常發揮,夠鮮甜。​

✦ 西班牙壞蛋薯條 HK$78​

絲狀薯條,先係正宗西班牙口味!
絲狀薯條,先係正宗西班牙口味!

嚟到當然order埋西班牙地道嘅煎蛋薯條小食。西班牙嘅特色就係會將薯條切成絲狀嚟炸!因為用上味濃而且澱粉含量高嘅荷蘭薯仔,成件事唔單止更鬆化,而且仲一啲都唔乾柴!​

✦ 地中海鱈魚沙律 HK$88

酸甜清新嘅沙律,非常開胃!
酸甜清新嘅沙律,非常開胃!

呢款沙律用上西班牙蕃茄,超粉超爽口!加上鹹油漬鱈魚柳條、洋蔥、香橙、荷蘭紅蘿蔔仔、橄欖油,葷素搭配,清新又鹹香,作為前菜就係100分!​

傳統蕃茄多士 HK$33

多士口感似較鬆脆嘅蝴蝶酥,加上手磨蕃茄醬,簡易又好味!
多士口感似較鬆脆嘅蝴蝶酥,加上手磨蕃茄醬,簡易又好味!

傳統蕃茄多士係開胃小吃之一。La Barra用咗西班牙獨有嘅Crystal bread,上面承托著棉密多汁嘅蕃茄蓉。 Crystal bread 薄身而且口感鬆脆,配合酸酸甜甜嘅蕃茄蓉, 雙重口感交織, 食落去勁清新開胃。

西班牙凍湯 HK$48

用高腳杯盛載,擺盤特別,味道係蕃茄、蒜頭加橄欖油嘅混合,飲到酸甜嘅蕃茄味和辛辣嘅生蒜粒,加上鯷魚嘅鮮味,清新得嚟又有層次感。  

✦ 松露蘑菇可樂餅&魷魚可樂餅 各HK$15​

西班牙人愛直接用手取可樂餅食。
西班牙人愛直接用手取可樂餅食。

西班牙嘅可樂餅與其他地區嘅可樂餅最大分別就係用咗麵粉、牛奶製成,摒棄咗牛油,所以更健康之餘,仲有濃郁嘅牛乳香。​

La Barra 嘅可樂餅有兩種味道,分別係松露蘑菇可樂餅及魷魚可樂餅,前者加入100%黑松露醬及鵝肝菌製成,店主仲加入花菇,令可樂餅嘅菇味更突出;後者加入墨魚汁和龍蝦湯炮製,仲有魷魚粒,口感豐富又鮮味,兩款都係佐酒佳品!​

✦ 西班牙油炸鬼 HK$68

油炸鬼可配朱古力及雲尼拿雪糕。
油炸鬼可配朱古力及雲尼拿雪糕。

Churros係西班牙很常見嘅小吃,新鮮炸起後蘸上肉桂糖粉及朱古力醬食,真係份外香口!另外,甜品仲附送雲尼拿雪糕一球,食到有點點雲尼拿籽,品質唔錯!

✦ 西班牙手工啤 HK$48-HK$68​

西班牙直送手工啤。
西班牙直送手工啤。

叫咗咁多小食,當然少不了酒!La Barra引入多款西班牙手工啤酒,每一款都用上西班牙個別地區盛產嘅生果或大麥製成,味道順喉而帶獨特性, 值得一試!​

編輯評審

味道:4.5
環境:3.5
服務:4.5
CP值:3.5
(*5為最高分)

【詳情】

La Barra Tapas Spanish Restaurant
營業時間:12nn –10pm
地址:長沙灣福榮街512-518號地下A號舖
IG:@labarra_csw

Leave a Comment

Related Posts 相關資訊