位於尖沙咀東部嘅墨西哥餐廳PABLO，最近迎來墨西哥藉新主廚 Gerardo Barrientos。Gerardo入廚20多年，更曾喺墨西哥最頂尖餐廳中工作，無論係經驗或廚藝都備受肯定。是次來到PABLO， Gerardo不但將其家鄉嘅傳統風味帶到新菜單中，更融合現代特色元素，為本港墨西哥菜式帶來新氣象。
來自墨西哥嘅主廚Gerardo熱衷於分享和推廣自己國家嘅美食。年僅 30 歲就喺餐飲行業積累了近 20 年經驗。 佢從 12 歲開始便在家族餐廳幫忙。讀書期間，曾擊敗了 20 多名實力選手，贏得在2019年「全球50間最佳餐廳」中排名第12位、被譽為墨西哥最頂尖餐廳嘅 Pujol by Enrique Olvera 嘅實習機會。其後Gerardo以合夥人和主廚嘅身份重返家族生意，期間佢不斷創作新食譜及鑽研烹飪技巧，發展出佢專屬嘅標誌性風格。
內容目錄
PABLO全新菜單 新派墨西哥風味
主廚 Gerardo將墨西哥家鄉嘅味道帶到PABLO，把傳統墨西哥風味以現代藝術風格演繹，令大家對墨西哥菜有嶄新印象。
✦ 玉米脆片蕃茄湯 HK$98
沒有嘗過玉米脆片湯，唔算真正體驗過墨西哥美食！PABLO呢款墨西哥經典嘅餐前湯，加咗玉米脆片、酸忌廉、辣椒片、哈羅米芝士和牛油果，酸辣之中，又有多層次嘅脆滑口感，飲完好開胃！
✦ 檸汁醃油甘魚 HK$158
另一道經典墨西哥菜餚，必定係檸汁醃油甘魚！大廚為保持魚嘅新鮮度，將油甘魚同經調味嘅配菜和醬汁分層放置，唔止賣相靚，一層層嚐到唔同食材嘅滋味，感覺好正！
✦ 牛油果莎莎醬 HK$108
今晚有幸由主廚Gerardo Barrientos親自為小編做莎莎醬！主廚好快手，用咗約5分鐘就將牛油果、蕃茄、紅洋蔥、蒜頭、辣椒、香菜碎攪均，最後淋上檸檬汁、鹽和胡椒，點上栗米脆片，又fresh又香口！即便一向胃口不大嘅小編，一個人都輕鬆KO到一半！
✦ 墨西哥手撕豬肉夾餅 HK$128/3件
呢度嘅烤豬頸肉係條狀咁上，口感幾得意，餡料有秘製醃料、微辣嘅胭脂樹膏、瓜希柳辣椒，加上混入咗黑栗米汁嘅烤餅，成件事勁惹味，不錯。
✦ 墨西哥香烤焗紅鯛魚 HK$248
紅鯛魚先用香草和辣椒調味，加入脆脆地嘅刺山柑、烤杏仁、墨西哥米飯和沙拉， 食上口口感豐富，魚肉嫩滑，感覺幾正。
✦ Margarita
特調香辣Margarita，由兩種龍舌蘭酒混合、配香草和辣椒製成，入口第一下，火辣香氣撲鼻而來，接下來係濃重嘅龍舌蘭酒味，幾刺激，口感特別。
三重間隔 人氣韆鞦椅
除咗菜式精緻，PABLO嘅裝潢都非常igable！店子主要分為三個部分，分別為牆畫酒吧區、木系晚餐區及私密度高、帶藝術風嘅用餐區，而小編最愛嘅打卡位就係木系區嘅韆鞦椅！唔洗講，叫完嘢食當然要喺度打返堆靚卡啦！
編輯評審
味道：4
環境：4.5
服務：4
CP值：3
（*5為最高分）
【詳情】
PABLO Modern Mexican Cocina
營業時間：12:00am – 23:45pm
地址：尖沙咀麼地道66號尖沙咀中心地下G80-85號舖
IG： @pablodining | Facebook：@pablodining
