【2021】銅鑼灣1月新店 | 日本過江龍Saori 1mm和栗紗織班戟登陸銅鑼灣

by FLOWSPACE.HK

Last Updated on 10/04/2021 by FLOWSPACE.HK

來自日本嘅 Pancake 專門紗織係1 月 29 日正式開幕,特色係食1mm粗嘅栗蓉無麩質班戟!
來自日本嘅 Pancake 專門紗織係1 月 29 日正式開幕,特色係食1mm粗嘅栗蓉無麩質班戟!

過往去京都旅行,必會去食名物「和栗紗織班戟」!雖然每日得40個名額,排隊都排到暈,但當食到香糯濃郁嘅栗蓉紗織蛋糕,就咩辛苦都值得!最近得知銅鑼灣開咗首家紗織班戟專門店”Pancake Senmon Saori”,身為甜怪當然立即飛去試紗織蛋糕啦!銅鑼灣美食gogogo~

襌意裝潢 京都秋季楓情

店子充滿禪意,洋溢京都嘅秋日氣息。
店子充滿禪意,洋溢京都嘅秋日氣息。
店子不大,不過裝潢日系,仿似去咗京都咖啡店般。
店子不大,不過裝潢日系,仿似去咗京都咖啡店般。(照片來自官方 Facebook)

首先講講環境,我就勁鍾意呢度充滿襌意嘅裝潢,素雅嘅深棕色家具、木趟門、枯山水小庭園、象徵栗子成熟嘅秋楓裝置,每個細節都洋溢古撲嘅京都風情!​

店內主售無麩質班戟,亦有一系列戚風蛋糕及點心。
店內主售無麩質班戟,亦有一系列戚風蛋糕及點心。

口感豐富 1mm粗紗織班戟

食物方面,”Pancake Senmon Saori”主要提供三款口味嘅紗織班戟,包括和栗、紫薯及甜薯,亦有一系列嘅招牌戚風蛋糕。飲品方面就以啡茶為主,較為簡單。​

店員即屆示範,將甜薯蓉壓成一條條1mm幼絲。
店員即屆示範,將甜薯蓉壓成一條條1mm幼絲。

​由於仍屬試業階級,暫時小編只係試到甜薯紗織班戟(有點可惜!下次我一定要再幫襯,試和栗!)及抹茶Pancake,整體味道同日本試到嘅無異,真係好驚喜好滿足!茶飲就正常發揮,各式茶具及杯子都好精緻,超igable!試業關係,略嫌出菜速度有啲慢,上齊菜要近一小時,不過為咗食好西,會有無限耐力(笑)!

甜薯紗織班戟,外形有啲似炒麵,但食上口好柔軟香甜。
甜薯紗織班戟,外形有啲似炒麵,但食上口好柔軟香甜。
於班戟底放上香脆蛋白餅, 再加上日本忌廉,最後鋪上滿滿嘅甜薯蓉,整個班戟口感層次和味道都好豐富。
於班戟底放上香脆蛋白餅, 再加上日本忌廉,最後鋪上滿滿嘅甜薯蓉,整個班戟口感層次和味道都好豐富。
將甜薯壓成幼絲,有助提高甜品口感。
將甜薯壓成幼絲,有助提高甜品口感。

✦ 甜薯紗織 HK$148​
每份紗織蛋糕大概有一卷紙巾咁大,份量都幾大!面層舖滿細長嘅甜薯蓉,睇上好似炒麵(笑)!中層則係日本厚忌廉及蛋白餅,底層則是班戟!食上口,先會嘗到入口即融、濃郁香甜嘅蕃薯蓉,之後就係脆脆地嘅碎蛋白餅,質感有趣,最後則係鬆軟嘅班戟,整體味道唔會好甜,又口感豐富,非常高質!​

係米粉班戟上,有抹茶及雲尼拿雪糕。
係米粉班戟上,有抹茶及雲尼拿雪糕。
日本米粉班戟會比平常食到嘅班戟實淨少少,但不含麩質(Gluten-Free),適合過敏人士。
日本米粉班戟會比平常食到嘅班戟實淨少少,但不含麩質(Gluten-Free),適合過敏人士。

✦ 抹茶蕨餅班戟 HK$138​
一份班戟,有2個抹茶雪糕、1個雲尼拿雪糕,邊點雪糕邊食鬆餅,加埋煙韌嘅蕨餅,幾正!​

精緻小茶壺,盛載來自日本茶葉。
精緻小茶壺,盛載來自日本茶葉。

✦ 焙茶(熱) HK$48​
幾濃茶香,甘香,口感柔潤。​

凍茶會凍鎮直上,確保入口可飲到透心涼靚茶。
凍茶會凍鎮直上,確保入口可飲到透心涼靚茶。
冰茶緩緩倒入茶杯,感覺好Chill,非常治癒。
冰茶緩緩倒入茶杯,感覺好Chill,非常治癒。

✦ 黑豆茶(凍)HK$42​
冰鎮關係,豆香味唔出,不過凍茶飲上口好爽,送蛋糕不錯。

和栗紗織班戟預計於2月初推出,實際時間待官方公布。(照片來自官方 Facebook)
和栗紗織班戟預計於2月初推出,實際時間待官方公布。(照片來自官方 Facebook)
紫薯紗織班戟預計於2月初推出,實際時間待官方公布。(照片來自官方 Facebook)
紫薯紗織班戟預計於2月初推出,實際時間待官方公布。(照片來自官方 Facebook)

編輯評審

味道:4

環境:4

服務:4

CP值:3.5

(*5為最高分)

【詳情】

Pancake Senmon Saori​

地址:銅鑼灣百德新街57號海華大廈地下B號舖​

FB:@SaoriPancake | IG:@saori.pancake

Leave a Comment

Related Posts 相關資訊