【2021】銅鑼灣新店 | 紅堂 Red Hall 抵食午市麻辣火鍋

by FLOWSPACE.HK

Last Updated on 10/02/2021 by FLOWSPACE.HK

火鍋控一定要嘗嘗紅堂嘅抵食午市套餐!
火鍋控一定要嘗嘗紅堂嘅抵食午市套餐!

登龍街真係食好西好去處!最近又有新貴,那就是麻辣火鍋店「紅堂 Red Hall」! ​
顧名思義,呢度以棘紅色為主要元素,店內設有一排不規則方形燈,幾型格!而且小編勁鍾意呢度座位,全部都以一格格中式屏風相隔,好似獨立房間咁!喺度食火鍋夠晒private,啱晒朋友相聚齊齊pot!​

中西懷舊裝潢 傳統又型格

紅黑格局,帶古典風味又不失型格!
紅黑格局,帶古典風味又不失型格!
仲有霓虹光裝飾,好型!
仲有霓虹光裝飾,好型!
每枱均有黑色中式屏風相隔,私隱度高。
每枱均有黑色中式屏風相隔,私隱度高。

六十多款配料 新鮮供應

足料又新鮮,價錢算親民。
足料又新鮮,價錢算親民。

食物方面,紅堂以和牛牛油嘅麻辣火鍋湯底為基礎,配上多款自家製手工丸餃,加上60多款火鍋配料可供選擇,打破麻辣火鍋刻板形象,令人享受到不一樣嘅味覺享受,好嘗試辣嘅朋友,一定唔可以錯過!​

今次,我跟朋友就試咗佢哋嘅午市火鍋,套餐有齊涼菜、西班牙伊比利豚梅肉、美國安格斯牛肩肉、雞肉、 麻辣和牛餃、雲吞、墨魚、松露丸、鮮蔬拼盤、 炸魚皮、寬粉、飲品,同埋紅桑子冰粉甜品,份量超多,一位都係HK$148咋!真係好抵食!另外,我哋仲叫咗功夫口水雞及拔絲糍粑炸彈,非常飽足!🤤​

鴛鴦湯底卻不馬虎,幾多鴨血同花膠。
鴛鴦湯底卻不馬虎,幾多鴨血同花膠。
套餐肉類有西班牙伊比利豚梅肉、美國安格斯牛肩肉,以及雞肉。
套餐肉類有西班牙伊比利豚梅肉、美國安格斯牛肩肉,以及雞肉。
美國安格斯牛肩肉,雪花均勻漂亮!
美國安格斯牛肩肉,雪花均勻漂亮!
好大份蔬菜,可惜丸類每樣一粒,少咗啲。
好大份蔬菜,可惜丸類每樣一粒,少咗啲。
炸魚皮幾大份,浸麻辣湯食,超正!
炸魚皮幾大份,浸麻辣湯食,超正!

✦ 午市火鍋 HK$148/位(圖為2人份)​
好驚喜係午市都有鴛鴦湯底!分別有清油養生麻辣鍋,同埋火腿花膠魚肚雞湯鍋! 麻辣湯底有5種辣度選擇,由於我唔太食到辣,我揀咗最少嘅1分辣,呢個辣度真係好輕微,我都可以輕鬆駕馭。另外,湯底亦唔Hea,分別有大大塊鴨血同花膠,幾乎都可當一個小菜!😍而且鮮美得嚟惹味,忍唔住飲咗好多口呢!​
配料變新鮮,特別係牛肩肉,肉味好濃且彈牙,雞肉則用雞脾肉,好腍好嫩,真係好正!個人仲覺得墨魚丸令人驚喜,好爽呀,濃濃嘅黑松露,口感不錯。​

雞件幾惹味,不過份量唔多。
雞件幾惹味,不過份量唔多。
質素係唔錯,肉質幾嫩滑。
質素係唔錯,肉質幾嫩滑。

✦ 功夫口水雞 HK$88​
一份有8串,一口一件,食得幾爽。呢度嘅口水雞嘅麻辣味唔會好重,食完齒頰留香,又有花生粒增加口感,幾正。不過,88連加一要百零蚊,個人就覺得貴咗啲~(火鍋餐都係148咋喎!🤣)​

造型搞笑嘅拔絲糍粑炸彈,遠睇好似仙女棒!
造型搞笑嘅拔絲糍粑炸彈,遠睇好似仙女棒!

✦ 拔絲糍粑炸彈 HK$88​
呢款甜品真係好有驚喜,外層嘅拔絲糖加咗少少爆炸糖粉,食嗰陣個口有啲爆炸頭咁嘅,炸炸地嘅口感,好特別!中間就係一粒糖不甩,煙煙韌韌。​

紅堂門口都好有中國色彩,門口好有紫禁城feel!
紅堂門口都好有中國色彩,門口好有紫禁城feel!

編輯評審

味道:4

環境:4

服務:4

CP值:3.5

(*5為最高分)

【詳情】

紅堂

地址:銅鑼灣登龍街28號永光中心1樓​

FB:@redhallmalahotpot   | IG:@redhallmalahotpot

Leave a Comment

Related Posts 相關資訊