去年12月開幕嘅東涌世茂喜來登酒店，由東涌港鐵站步行去酒店宦都需10至15分鐘，雖有點小距離，但賣點係對正機場海景、樓底高，加上完善嘅設施，零侷促，令人有好似去咗度假嘅感覺！今次小編就同大家分享下試住報告，比大家設計staycation之旅時更得心應手！
內容目錄
客房色調柔和 落地玻璃窗 引入自然光
客房方面，酒店共有 218 間，分別有豪華客房、豪華海景客房、行政海景套房、豪華海景套房及喜來登套房。當中最大嘅賣點就係海景房型坐擁 180 度全海景，時會睇到飛機升降，部分房型及餐廳仲可以俯瞰日落景致，景觀開揚。另外，大部分房型都有咖啡機等設施，歎住啡賞景，感覺好Chill。
大廳位置寬敞，最啱家庭客。 
浴缸大窗都可望到海景！ 
對正機場景，時會見到飛機升降。 
豪華客房雖對住樓景，但樓房距離頗遠，中間又隔咗公園，景觀比想像中好。 
每間房都有休憩用嘅長梳化及Welcome Gift。 
以東涌為主題嘅小點心，住客可隨時享用。 
咖啡機、零食及餐具一應俱全。 
拉開雪櫃，收費飲品都好多選擇。 
行政海景套房賣點係圓弧形落地大窗及特大浴缸！
四間餐廳 盡享環球美食
酒店共有 4 間餐廳，分別有 Lobby Lounge、嶼坊、海岸扒房同埋采悅軒，提供不同嘅環球美食，如經典粵菜、扒房、世界各地佳釀及本地精釀啤酒等等，愛吃之人都可以得到充分滿足！當中，小編最推薦海岸扒房，餐廳位於酒店頂層，分戶外及室內兩部分，均可欣賞到海景！日落西山，可以同另一半或親友喺戶外園區小嚼一杯，午餐或晚餐又可嘆餐廳招牌熟成牛，加上懷舊美式扒房設計，喺度食嘢品酒真係唔似置身香港！
Lobby Lounge
嶼坊
嶼坊主要提供自助餐。 
烤美國西冷牛，睇見都流口水！ 
食物種類幾多，菜式都唔差，整體水準都合格有餘！
海岸扒房
餐廳餐廳設計走懷舊美式風，精緻華麗。 
餐廳室內區域為為扒房，主打一系列西班牙式炭火燒肉。 
喜歡燒肉及品酒，必去海岸扒房！ 
海岸扒房嘅竹戶外位置，一啲都唔似係香港！ 
一系列精緻Cocktail！ 
海岸扒房招牌Cocktail”Honey Old Fashion”HK$110。
采悅軒
采悅軒裝潢低調而高貴。 
餐廳最出名柚子蝦餃。 
川味玫瑰鮑片，原隻鮑魚切片，砌成花形。
健身室及泳池 設備完善
設施方面，酒店設有健身室及泳池，現已全面開放返！留喺酒店全日做 gym或游水都無問題！Gym Room備有各式各樣有氧運動設備及自由重量器械，儀器完善；泳池則係室外恒温水池，提供埋毛巾及沖涼房，可以睇到日落！
【詳情】
東涌世茂喜來登酒店
地址：東涌怡東路9號香港東涌世茂喜來登酒店
FB：@SheratonHongKongTungChung | IG：@sheratonhongkongtungchung
Klook.com
