Last Updated on 10/04/2021 by FLOWSPACE.HK

東涌世茂喜來登酒店Sheraton Hong Kong Tung Chung Hotel開設咗4間全新餐廳，當中最備受注目嘅莫過於位於頂層19樓嘅Sunset Grill！餐廳設計走復古歐陸風，精緻華麗，打卡位處處！此外，仲分室內及戶外兩Part，室內為扒房，主打一系列西班牙式炭火燒肉；戶外則是酒吧區域，提供多款創意Cocktail。今次，小編就率先分享室內扒房有咩亮點，等大家覓食可更得心應手！

西班牙式炭火燒製 烤肉自帶煙燻香氣

Sunset Grill主打西班牙式炭火烤肉，以傳統木材燒製牛肉，令食物自帶濃濃嘅煙燻香氣！此外，店家仲會按唔同嘅肉，配搭唔同嘅木材去烤製，因唔同木材都有唔同嘅香氣，無論係食物嘅「香」及「味」都照顧周到，令人一試難忘！

30日乾性熟成牛 肉質軟嫩香濃

在牛肉質量上，Sunset Grill都花盡心思，採用咗乾性熟成！牛肉一般被宰殺時幾小時，肉質係鬆弛，但過後又會變得僵硬，唔適宜食用。透過放置在恆溫、恆濕嘅冷藏室中熟成21-45天不等，牛肉自身帶嘅醇素就會破壞返肌肉結締組職，令肉質更軟嫩！重點呢個過程仲會去除埋肌肉中多餘水份，令牛肉味道更濃郁飽滿！進入店內，即見走廊旁有一排排正在熟成嘅牛肉，喺食材處理方面，餐廳果然誠意十足呢！

老饕必試 歐陸風烤肉

✦ Porterhouse（850g） HK$1,100

呢度最出名係呢款Porterhouse！據店家Menu所講，係用咗超過30日2時間熟成嘅T骨牛扒～！呢塊扒足足有850g重！比出面一般餐廳食到嘅T骨牛扒重一倍！大塊到令我嚇一跳！幾個人Share都無問題！ 

另外，我鍾意T字骨，係因為一面連住西冷，一面連住牛柳，一口氣可以享受到兩個唔同部位嘅牛肉滋味，軟嫩再加上嚼勁，雙重享受，正正子！T字骨簡單燒烤已經好好食，入口軟嫩無憾，咬上口爽爽聲，超Juicy！其中，連住骨位嘅位置，肉質仲帶少少爽口，食上口真係好有滿足感！十級推薦！

✦ Steak Tartare $190

他他牛用生牛製作，入面溝咗鹽、洋蔥及大蒜，再配蛋黃，味道非常惹味！本身店家用嘅牛肉靚，新鮮又肉味濃，唔抗拒生牛嘅人必要試試。

✦ Sea Bass（for 2） HK$450

呢款烤鱸魚好清新！魚幾大條，2個人share都ok！魚入面夾咗檸檬及迷迭香，魚肉滑嫩，入口即化，加上魚皮脆脆地，整體味道唔錯。

✦ Brandt Ranch Bone Marrow $135

呢款小食喺牛肉中加咗意式Gremolata醬及香芹沙律，有巴西里、大蒜、檸檬皮、橄欖油等等，味道幾清香，食完好開胃。

小編總評：餐廳烤肉確係正，裝修都夠晒豪華，打卡100分！偶然嚟呢度豪一次，絕對值得！

【詳情】

Sunset Grill 海岸扒房

地址：東涌怡東路9號香港東涌世茂喜來登酒店19樓​(19/F, Sheraton Hong Kong Tung Chung Hotel, 9 Yi Tung Road, Tung Chung, Lantau)

FB：@SheratonHongKongTungChung | IG：@sheratonhongkongtungchung