東涌新扒房|12月開幕 Sunset Grill 西班牙炭火燒熟成牛

by FLOWSPACE.HK
作為東涌世茂喜來登酒店嘅頂層餐廳,Sunset Grill無論食物質素或環境都非常高質。
作為東涌世茂喜來登酒店嘅頂層餐廳,Sunset Grill無論食物質素或環境都非常高質。

東涌世茂喜來登酒店Sheraton Hong Kong Tung Chung Hotel開設咗4間全新餐廳,當中最備受注目嘅莫過於位於頂層19樓嘅Sunset Grill!餐廳設計走復古歐陸風,精緻華麗,打卡位處處!此外,仲分室內及戶外兩Part,室內為扒房,主打一系列西班牙式炭火燒肉;戶外則是酒吧區域,提供多款創意Cocktail。今次,小編就率先分享室內扒房有咩亮點,等大家覓食可更得心應手!

復古又奢華,喺Sunset Grill嘅一大特色!
復古又奢華,喺Sunset Grill嘅一大特色!
Sunset Grill裝修充滿懷舊氣息,部分座位貼近廚房,可以令客人即時嘗鮮!
Sunset Grill裝修充滿懷舊氣息,部分座位貼近廚房,可以令客人即時嘗鮮!

西班牙式炭火燒製 烤肉自帶煙燻香氣

西班牙炭火燒烤,令肉自帶煙燻味,用嚟烤肉嘅木材都好講究,會令肉呈現唔同風味。
西班牙炭火燒烤,令肉自帶煙燻味,用嚟烤肉嘅木材都好講究,會令肉呈現唔同風味。

Sunset Grill主打西班牙式炭火烤肉,以傳統木材燒製牛肉,令食物自帶濃濃嘅煙燻香氣!此外,店家仲會按唔同嘅肉,配搭唔同嘅木材去烤製,因唔同木材都有唔同嘅香氣,無論係食物嘅「香」及「味」都照顧周到,令人一試難忘!

30日乾性熟成牛 肉質軟嫩香濃

牛肉喺恆溫、恆濕嘅冷藏熟成室中待21~45天,令牛肉自身嘅酵素將肉質軟化,烹調時可擁有更好嘅口感。
牛肉喺恆溫、恆濕嘅冷藏熟成室中待21~45天,令牛肉自身嘅酵素將肉質軟化,烹調時可擁有更好嘅口感。
喺熟成期間,牛肉嘅表皮會被風乾、變硬,形成保護膜,緊緊鎖起內部水分。
熟成期間,牛肉嘅表皮會被風乾、變硬,形成保護膜,緊緊鎖起內部水分。

在牛肉質量上,Sunset Grill都花盡心思,採用咗乾性熟成!牛肉一般被宰殺時幾小時,肉質係鬆弛,但過後又會變得僵硬,唔適宜食用。透過放置在恆溫、恆濕嘅冷藏室中熟成21-45天不等,牛肉自身帶嘅醇素就會破壞返肌肉結締組職,令肉質更軟嫩!重點呢個過程仲會去除埋肌肉中多餘水份,令牛肉味道更濃郁飽滿!進入店內,即見走廊旁有一排排正在熟成嘅牛肉,喺食材處理方面,餐廳果然誠意十足呢!

老饕必試 歐陸風烤肉

餐廳嘅牛扒經過30日乾性熟成,份外嫩口香濃。
餐廳嘅牛扒經過30日乾性熟成,份外嫩口香濃。

✦ Porterhouse(850g) HK$1,100

呢度最出名係呢款Porterhouse!據店家Menu所講,係用咗超過30日2時間熟成嘅T骨牛扒~!呢塊扒足足有850g重!比出面一般餐廳食到嘅T骨牛扒重一倍!大塊到令我嚇一跳!幾個人Share都無問題! 

另外,我鍾意T字骨,係因為一面連住西冷,一面連住牛柳,一口氣可以享受到兩個唔同部位嘅牛肉滋味,軟嫩再加上嚼勁,雙重享受,正正子!T字骨簡單燒烤已經好好食,入口軟嫩無憾,咬上口爽爽聲,超Juicy!其中,連住骨位嘅位置,肉質仲帶少少爽口,食上口真係好有滿足感!十級推薦!

他他牛用鮮牛加鹽、洋蔥及大蒜製成,非常惹味!
他他牛用鮮牛加鹽、洋蔥及大蒜製成,非常惹味!

✦ Steak Tartare $190

他他牛用生牛製作,入面溝咗鹽、洋蔥及大蒜,再配蛋黃,味道非常惹味!本身店家用嘅牛肉靚,新鮮又肉味濃,唔抗拒生牛嘅人必要試試。

海新嘅烤鱸魚,為唔食牛嘅朋友提供更多選擇!
海新嘅烤鱸魚,為唔食牛嘅朋友提供更多選擇!

✦ Sea Bass(for 2) HK$450

呢款烤鱸魚好清新!魚幾大條,2個人share都ok!魚入面夾咗檸檬及迷迭香,魚肉滑嫩,入口即化,加上魚皮脆脆地,整體味道唔錯。

意式Gremolata及香芹沙律,作為前菜非常醒胃。
意式Gremolata及香芹沙律,作為前菜非常醒胃。

✦ Brandt Ranch Bone Marrow $135

呢款小食喺牛肉中加咗意式Gremolata醬及香芹沙律,有巴西里、大蒜、檸檬皮、橄欖油等等,味道幾清香,食完好開胃。

鍾意高質牛扒嘅朋友,一定要嚟Sunset Grill!
鍾意高質牛扒嘅朋友,一定要嚟Sunset Grill!

小編總評:餐廳烤肉確係正,裝修都夠晒豪華,打卡100分!偶然嚟呢度豪一次,絕對值得!

Sunset Grill係復古歐陸風扒房。
Sunset Grill係復古歐陸風扒房。
餐廳在12月1日開幕,現時已換上聖誕裝飾。
餐廳在12月1日開幕,現時已換上聖誕裝飾。

【詳情】

Sunset Grill 海岸扒房

地址:東涌怡東路9號香港東涌世茂喜來登酒店19樓​(19/F, Sheraton Hong Kong Tung Chung Hotel, 9 Yi Tung Road, Tung Chung, Lantau)

FB:@SheratonHongKongTungChung | IG:@sheratonhongkongtungchung

Leave a Comment

Related Posts 相關資訊