【2021】銅鑼灣新店 | terroir 維港靚景 精緻Fine Dining

by FLOWSPACE.HK

Last Updated on 09/02/2021 by FLOWSPACE.HK

銅鑼灣全新法國菜館terroir,可以邊賞維港靚景,邊嘗美食。
銅鑼灣全新法國菜館terroir,可以邊賞維港靚景,邊嘗美食。

過往收工,偶然都會約同事去酒吧菜館,模杯底Chill下。疫情影響,已經好耐無好好enjoy下。最近行開行埋銅鑼灣,做寫字樓嘅朋友剛巧有空,小編就同佢試咗間質素唔錯嘅法國菜館terroir!​terroir位於宇宙商業大廈,餐廳有一排窗可欣賞維港靚景,喺呢度邊賞景邊嘗美酒佳餚,確係一個唔錯嘅聚腳點。

精緻法國菜 市面少見葡萄酒

作為法國餐廳,美酒將是餐廳一大重點。
作為法國餐廳,美酒將是餐廳一大重點。
terroir嘗到嘅酒都係市面少見,為愛酒之人提供更多選擇。
terroir嘗到嘅酒都係市面少見,為愛酒之人提供更多選擇。

terroir喺法文中解「風土」,係釀造葡萄酒常用嘅名詞,美酒佳餚密不可分,顧名思義,餐廳即係一個比人品酒、嘗美食嘅地方。​美酒方面,terroir比較走精緻路線,嘗到嘅大都係市面少見嘅產品,有啲係小酒莊出品,產量少,或擺放年份長等,均係店主喺不周market中搜攞返嚟嘅心水至愛。​食物方面,打開午餐Menu圍返都係200零蚊一個,可以係6款菜餚中揀3至4款,以對住維多利亞港靚景、位於銅鑼灣核心地段嘅Fine Dining嚟講真心唔貴!​

餐廳一面可望維多利亞港全景。
餐廳一面可望維多利亞港全景。
terroir午餐可以任意揀3至4款菜餚,自由度高。
terroir午餐可以任意揀3至4款菜餚,自由度高。
水蜜桃帶子沙律​
水蜜桃帶子沙律​

✦ 水蜜桃帶子沙律​
水果加魚生,相當少見嘅配搭。美國水蜜桃經過燒製,外層帶點焦香,肉質較creamy,甜度亦降低,正好襯托出半生熟帶子嘅鮮甜味。​
另外,沙律亦加咗石榴粒、檸檬汁及意大利黑醋,食上口酸酸甜甜,非常開胃。​

蒜香海膽手工意粉​
蒜香海膽手工意粉​

✦ 蒜香海膽手工意粉​
意大利蕃茄,加蒜茸及辣椒做嘅汁,好惹味。雖則醬汁偏濃,卻無損海膽嘅鮮甜,幾驚喜。至於意粉,喺店家自製,比出面食到嘅蛋香更濃、彈牙及煙韌!質地偏似港式全蛋麵呢!另外,麵身切成方形,掛汁能力更強,食時唔會好似出面咁,愈食愈乾,幾高質。​

甘鯛昆布湯​
甘鯛昆布湯​

✦ 甘鯛昆布湯​
呢個湯混合咗日式做法,用昆布、菇、木魚、雞肉高湯等材料淆成,成個湯鮮甜得嚟無油,令人難忘!另外,湯中仲有一塊甘鯛魚,魚皮經過酥炸,可以連魚鱗食!魚肉鮮甜嫩滑,雙重滋味!​

紅酒燴牛膝
紅酒燴牛膝

✦ 紅酒燴牛膝
呢個牛膝燴得非常腍,據廚師所講,係用紅酒同埋雜菜湯底,燴足三個鐘,將牛膝裏面嘅根,完全融入高湯,所以先可以做到 入口即化嘅口感!另外,一定要取出牛仔骨嘅骨髓,將之加入栗米糕食用,香濃嘅油脂味,散發至整個口腔,感覺好治癒。​

巴斯克乳酪蛋糕​
巴斯克乳酪蛋糕​

✦ 巴斯克乳酪蛋糕​
呢款巴斯克乳酪蛋糕, 看上去有啲濃,帶焦香!質地好鬆軟,輕輕一壓已到底,超推薦!​

✦ 3 Course HK$218、4 Course HK$258

terroir的標誌都甚有土地元素。
terroir的標誌都甚有土地元素。

編輯評審

味道:4

環境:4

服務:4.5

CP值:3.5

(*5為最高分)

【詳情】

terroir

地址:銅鑼灣告士打道230號宇宙商業大廈10樓

FB:@terroirhk  | IG:@terroirhk

Leave a Comment

Related Posts 相關資訊