對於熊仔，好多女生本能上難以抗拒，仲要係聖誕主題T-Set，唔Book對自己唔住！最近港麗酒店嘅樂聚廊就推出「Waltz of Festive Joys」節慶下午茶！今個Set匯集咗多款傳統嘅英式鹹甜品，加錢點Perrier-Jouët 香檳，仲會贈送埋限量版聖誕小熊！食物靚，環境正，又有禮品收，成件事分明為港女而設！
內容目錄
打卡滿分 精致英倫甜點
包括：聖誕老人＆聖誕樹曲奇、英式聖誕甜餡餅、聖誕果子蛋糕、黑朱古力慕斯、法式栗子蛋糕、英式聖誕布甸伴蛋酒
整體甜品都係英國啲Party常備嘅甜品款式！當中最亮眼嘅莫過於可愛嘅聖誕曲奇，緊隨其後嘅係一系列冬日特色甜點，包括傳統嘅英式聖誕甜餡餅，酸香乾果及辛料內餡，加上雲哩拿忌廉，味道恰到好處。法式迷你酒店周年紀念蛋糕則換上季節新裝，法國柑桔果醬配合黑朱古力慕斯，披上嫣紅外衣再度登場，香濃酸咪。而法式栗子蛋糕則以秋冬時令栗子製作嘅栗子蓉入饌，香濃可口，置頂嘅小鈴鐺更增添聖誕氣氛。隨後嘅意式聖誕果子蛋糕，櫻桃及酸香果醬製成，係意國不能錯過嘅經典甜點。堂食下午茶仲會有埋英式聖誕布甸伴蛋酒，濃郁蛋酒微甘包裹香甜布甸，令人一試難忘。
高質鴨肝醬球 鹹點款式多
包括：青瓜忌廉芝士三文治、慢烤火雞三文治伴紅桑莓忌廉醬、自家製酥皮腸卷、鴨肝醬球伴開心果碎、松露香菇酥盒
試過甜點，當然少不了一系列鹹點。先試傳統青瓜忌廉芝士三文治，清清味蕾，再試煙三文魚沙律三文治，入面糅合咗忌廉芝士和煙熏三文魚，微焦香韻，烘托淡淡魚油芳香，非常開胃。另外，不可錯過以季節入饌的慢烤火雞三文治伴紅桑莓忌廉醬。其他精緻鹹點包括自家製酥皮腸卷、鴨肝醬球伴開心果碎及松露香菇酥盒，款款滋味誘人，帶來不一樣的節慶美食體驗。
聖誕外攜下午茶 安坐家中享受節慶美點
想安坐家中歎聖誕美點？「Waltz of Festive Joys」仲設有外攜版！外攜版盒子採用幽綠色做主調，外形係薑餅屋設計，取出點心，仲可以係盒子內加上飾燈，可以化身亮麗嘅聖誕裝飾！而家預訂外攜自取下午茶，仲有9折優惠，雙人份仲贈送限量聖誕小熊玩偶1隻及TeaWG 香茗茶包2份！好抵！
【詳情】
樂聚廊「Waltz of Festive Joys」香檳冬日下午茶
堂食價格：HK$338（單人） 、HK$588（雙人）；另加HK$120，可配法國Perrier-Jouët 香檳乙杯（送限量聖誕小熊公仔）
外攜價格：HK$502（雙人），另贈送限量聖誕小熊玩偶1隻及TeaWG 香茗茶包2份
日期：即日起至1月3日
地址：香港金鐘道88號太古廣場香港港麗酒店大堂樓層
預訂網址：ConradHK 樂聚廊官方網站
Facebook：＠conradhkhotel | IG：@conradhkhotel
