
牛仔布易襯又耐著,隨著穿著時日,布料仲會呈現不同水洗紋、破洞,著上身又係另一番味道!
最近,荃灣開咗香港首間以牛仔布為主題嘅咖啡店”Denim Cafe“!老闆係始於1958年嘅荃灣老字號「賴榮記布廠」嘅第三代負責人,由於希望將布藝文化承傳落去,所以想透過時下年輕人熱衷嘅Cafe潮,以Cafe推廣經典的牛仔時尚!
內容目錄
活用牛仔元素 打造時尚丹寧空間
由門口、餐牌、枱花、公仔、擺設以至天花,Denim Cafe無不充滿牛仔元素!其中,有一面燈光牆,模仿咗figure公仔嘅設計,展示咗整件牛仔外套嘅紙樣剪影圖!入面又有店員親手加工嘅牛仔結他套、迷你牛仔褲、牛仔環保袋、牛仔杯套……款款都獨一無二,仿如一個小型牛仔布博物館!
必試手工蛋糕/蝶豆花咖啡

至於食物,Denim Cafe則係大路Cafe輕食為主,好似All Day Breakfast、煙三文魚溫泉蛋沙律或手工蛋糕等,飲品較得意有蝶豆花咖啡及蜜瓜Latte等,擺盤唔算好特別,但整體味道都唔錯,CP值高!絕對值得無限encore!
✦ 煙三文魚溫泉蛋沙律配蒜蓉包 HK$78

溫泉蛋外有層芝士,用匙羹輕輕劃開,蛋液由中心流出,伴煙三文魚食,香濃美味!
✦ 三色芝士滑蛋煙火雞胸墨西哥卷 HK$68

怕肥膩嘅人必試呢款新派墨西哥卷!加咗日式芝士滑蛋及嫩滑火雞胸,有營又健康!
✦ Blue Ocean HK$48(跟餐價 HK$33)

✦ 紅絲絨蛋糕 HK$38

蛋糕方面,Denim加咗紅菜根汁及紅莓汁,令蛋糕糕身呈鮮艷嘅紅色!味道香甜,香糯,入口柔順即化,不會太甜,好味!

【詳情】
Denim Cafe
查詢及訂座:5248 8824 (Whatsapp)
地址:荃灣青山公路荃灣段419號地下
IG:@denim.cafe | Facebook:@denim.cafe