提到近來荃灣新開嘅打卡餐廳，荃灣荃新天地嘅日系Cafe Sensu 下午茶一定榜上有名！全店以精靈之森為主題，一系列垂吊嘅藍調花、樹木設計，加上燈飾，睇上去好似有螢火蟲，猶如精靈出沒嘅聖域，充滿童話氣息！喺食物方面，如總站一致，主打精緻嘅和洋輕食，好似魚生丼、定食、漢堡、吐司、意粉或Pizza等，價錢仲好親民，不失為一個理想嘅閨蜜好聚處。最近，我仲發現Sensu推出全新嘅「綠野仙蹤」下午茶！人均百零蚊就可以嘗到8款鹹甜美點及2杯飲品，唔夠喉仲可以優惠價追加3款或6款小食，啱晒唔同食量人士需要！
內容目錄
藍白精靈之森 多處浪漫打卡位
Sensu荃新天地新店嘅森系主題，加上MUJI嘅素淡淺木色，有種日系與精靈之森結合嘅感覺。除咗同銅鑼灣總店一樣，設有大量藍調花和木色設計，餐廳正中間仲放有一棵挺拔嘅藍色大樹，感覺好華麗！另外，店內仲有一個藍色垂吊花草區，並以燈飾營造出螢火蟲般嘅光點，專比人打卡之用，無論係享受餐點定打卡都好啱！
場內設有多層藍調花及樹木。 
座位以木框架分隔，夢幻不失空間感。 
Sensu一角設有Bar枱，可隨時order各式cocktail。 
店子設有一個位置，天花掛滿藍色植物，加上大小燈飾，是必去打卡靚位！
8款基礎鹹甜美點 按個人喜好添食
餐點方面，新店加推咗限定嘅「綠野仙蹤」下午茶，設有8款基本輕盈點心，分別有日式炸豆腐、芝士年糕、鬆餅、布朗尼、乳酪杯、雲卷和蘋果撻等等，另加$58或$88，即可加配3至6款鹹甜點心，比大家按個人食量，添加合宜嘅份量，無論係為食精，或雀仔肚嘅朋友都可一一滿足。
雲卷 
香桃奇亞籽乳酪杯 
蘋果撻 
芝士年糕 
蝦多士 
日式炸豆腐
包括：日式炸豆腐、芝士年糕、鬆餅、布朗尼、乳酪杯、雲卷和蘋果撻等等
甜品之中，我最愛係雲卷，口感鬆軟，配上酸甜嘅果香，相當開胃。另外，香桃奇亞籽乳酪杯都唔錯，香甜嘅蜜桃下，底部係新興嘅健康食材奇亞籽及乳酪，營養豐富，味道同健康兩者兼得。
鹹點，蝦多士就係我至愛，將人手打成嘅蝦滑，加入大粒彈牙嘅蝦肉，嚼勁及蝦味十足，配埋香烤多士，香脆、彈牙、鮮味三種滋味，令人一試難忘。
✦ Marble Florals HK$88（下午茶半價加配）
由番茄、紅菜頭、蜜桃汁、椰子水同埋熱情果醬打造嘅沙冰，飲上口一啲都唔膩，清甜，感覺舒服。
✦ Golden Mist HK$88（下午茶半價加配）
呢款個飲品成份會比較複雜，有桂花香梨撻、茉莉花茶、糙米茶、菠蘿汁、芒果汁、酸橙汁、粟米蓉及熱情果醬打造，酸中帶甘甜，味道層次豐富。
✦ 「綠野仙蹤」下午茶 HK$168
（另外加配3款點心 HK$58；6款點心 HK$88）
編輯評審
味道：4
環境：4.5
服務：4
CP值：3.5
（*5為最高分）
【詳情】
SENSU
地址： 荃灣楊屋道1號荃新天地一期UG樓78號舖
