九龍城最近好多觸目新店，而「南角」咖啡店就係其中一家。店子坐落喺南角街唯一嘅戰前唐樓中，歷史悠久，前身為「怡順榮機器五金」，據說已丟空多年，直至近來才被改建為Cafe。舊鋪新生，形式轉咗，卻無損昔日情懷，皆因老闆Calvin Chan與合伙人均成長於九龍城，對呢區份外情有獨鍾。喺南角咖啡店，可見到「怡順榮」招牌、石井天庭、鐵圈屏風…即便食材都取自九龍城老字號，文化、美食共治一爐，令人以嶄新形式，緬懷香江情懷。
內容目錄
嘗盡異國佳餚 始最愛港式美食
老闆Calvin Chan表示，疫情之前係做設計出身，經常為生意東奔西走。可是走遍全世界，嘗盡異國料理，卻發現自己始終最鍾情港式冰室美食，於是就萌生不如開一家店，既有香港風情，又要有熟悉感，由此開始了南角嘅構想。之所以最後揀咗做Cafe，皆因Calvin想同年輕人連結。「我女溫書，同朋友聚會都會去Cafe，而家嘅年輕人唔似以前咁居家，生態變咗，我都想透過Cafe了解佢哋。」
為呼應港式情懷，以及與年輕人連結嘅主題，店子就特地選址戰前唐樓，盡量保留原建築風貌，好似店前及店內嘅「怡順榮」招牌、石井天庭、鐵圈屏風、透花鐵閘……每處細節都有段故，儼如向人展示昔日人民嘅生活種種。至於菜餚，Calvin亦特別向同區老字號選購食材，好似義香荳腐食品嘅腐乳及豆腐，泰國街嘅各式香料，以及用誠信意粉店嘅手工意粉等，比嚟到嘅人，唔止視覺，連味覺都可體驗老區情懷。
✦ 早午餐 HK$118
✦ 忌廉腐乳醬北海道帶子寬麵 HK$138
✦ 法式煎多士 HK$78
✦ 藍莓芝士蛋糕 HK$29
✦ 班蘭椰啡 HK$52
✦ 沖繩黑糖豆花飲 HK$48
編輯評審
味道：4
環境：4
服務：4
CP值：3.5
（*5為最高分）
【詳情】
南角
營業時間：8:30am – 18:30pm
地址：九龍城南角道3號地下3號舖
IG：@nankokhk | Facebook：@nankokhk
