大角咀新店 | 悄悄食堂 chewcheweat 弘揚日食美學

by FLOWSPACE.HK
主打日食美學嘅悄悄食堂,現正開始試業。
主打日食美學嘅悄悄食堂,現正開始試業。

喺寸金尺土嘅香港,如果開一間食店不為賺錢,單純只想傳遞日食美學,相信只有瘋子先會做嘅行為。而小編最近就遇上這樣嘅瘋子,那就是荔枝角道新開嘅新派和食料理店「悄悄食堂 Chew Chew」嘅老闆Vincent。
繼唞唞、Brew Note Coffee Roaster後,悄悄食堂係Vincent第三間食店,今次不賣啡,將焦點集中喺美食上,店子亦設計得比一般餐廳寬敞,每個細節洋溢禪意,一切只為咗讓食客食得舒心。如果大家都想邂逅呢份歲月靜好,悄悄食堂絕對值得一訪。

悄悄食堂以「陰翳」日本傳統美學,串連整店裝潢及美食。

永無止盡 味覺探索之旅

即便係日食常見嘅炸雞,店子都處理得一絲不苟。
即便係日食常見嘅炸雞,店子都處理得一絲不苟。

無論係唞唞或Brew Note​ Coffee Roaster,均以咖啡為主軸。今次悄悄食堂,Vincent則表示想減去對咖啡嘅依賴,將這些年對咖啡嘅鑽研精神,全神投注喺料理上,為自己搵一個全新嘅突破點。

喺多種料理菜系中,Vincent對和食份外情有獨鍾。他表示一直受書籍、漫畫及netflix 紀錄片影響,認為和食料理係一場永無止境嘅味覺探求。於佢而言,食堂嘅所有料理都係自己對和食嘅探求嘅「具形化」結果,希望大家透過舌尖,感受到佢對日食嘅執着。

時令本地菜蔬入饌 發掘食材美好本質

小編好欣賞Vincent對烹調嘅專注及用心,唔會盲目跟風,一味以為用晒日本食材即好,而係活現日本料理嘅精髓——沿用在地時令食材入饌,比客人發掘食材嘅美好本質。喺佢哋嘅餐點中,不難發現加入大量嘅本地新鮮菜蔬,如野苟農場嘅大肉茹、林村龍眼蜜或元朗菇場嘅啡菇等,食材新鮮,加上適當料理,好味就係咁簡單!

喺試業期間,食堂暫時提供三款定食,兩款係肉食,一款係素食。今回小編就點咗「悄悄IPA啤酒脆漿炸雞定食」及「銀雪魚西京燒定食」。​

悄悄IPA啤酒脆漿炸雞,口感嫩滑多汁,令人一試難忘。
悄悄IPA啤酒脆漿炸雞,口感嫩滑多汁,令人一試難忘。
悄悄IPA啤酒脆漿酥脆得嚟帶有濃濃麥香,雞肉Juicy,非常高質。
悄悄IPA啤酒脆漿酥脆得嚟帶有濃濃麥香,雞肉Juicy,非常高質。

✦ 悄悄IPA啤酒脆漿炸雞定食 HK$115​
呢份炸雞比想像中多份量,一份有3大件,連飯及漬物食用,非常飽足。​
味道方面,無疑係有驚喜。炸雞外皮非常鬆脆!據店家所指,秘訣係加咗IPA啤酒,炸起上來,油與啤酒嘅氣泡混和,雞皮會份外酥脆,雖然唔係沿用日式傳統嘅唐揚炸醬,但炸皮更薄更脆,個人覺得味道更佳!另外,雞肉仲加咗林村龍眼蜜及Wasabi,香甜中帶點辛辣,加上Juicy嫩口雞肉,成件事非常惹味。​

高質嘅烤銀雪魚,唔似出面成日食到般,有陣難受嘅雪味,食材相當新鮮講究。
高質嘅烤銀雪魚,唔似出面成日食到般,有陣難受嘅雪味,食材相當新鮮講究。

✦ 烤銀雪魚西京燒定食 HK$135​
銀雪魚西京燒處理得恰當好處,魚皮香脆,魚肉卻嫩滑多汁,加上以味噌調配嘅西京燒醬汁及檸檬汁,更引發出魚肉嘅鮮甜,令人忍唔住一口接一口呢。​
不過較可圈可點係魚骨頗多,唔識loe骨嘅朋友可能要小心一點。至於「拌飯」係用北海道夢美人米,米粒飽滿及夠飯香,可惜店家用水似乎太少,食上口偏乾,有啲啲生冷降。​

抹茶帶有清新海苔味,層次分明。
抹茶帶有清新海苔味,層次分明。

✦ 丸久小山園和光 薄茶 HK$64​
以日本薄茶嚟講,價錢唔算貴。抹茶打得夠綿密,茶體不帶苦澀,重海苔甘香,不用配甜點食用都可。

特飲用日本新鮮蜜柑汁加本地蜂蜜打造!
特飲用日本新鮮蜜柑汁加本地蜂蜜打造!

✦ 日本新鮮蜜柑本地蜂蜜蘇打 HK$64​
蘇打清甜可口,添加蜂蜜,整體味道更有層次感,消暑一流。​

實木樑柱 麻布屏風 陶瓷器皿 呈現古樸氛圍

店子找來本地木匠單位「禾日三巷木工部」打造實木樑柱架,展現中日合壁嘅古典美。
店子找來本地木匠單位「禾日三巷木工部」打造實木樑柱架,展現中日合壁嘅古典美。

想充分享受美食,少不了靜謐嘅進食環境。為咗營造舒適環境,「空間感」絕對係重點項目。在室內裝潢方面,Vincent就搵咗本地工匠單位「禾日三巷木工部」,以一根根實木樑柱打造出雅致嘅空間,因樑木橫豎交疊,有良好嘅放射效果,輕鬆打造開揚空間。外加上半透明嘅麻布屏風、榻榻米地版、料亭外嘅小庭院空間,整體設計簡潔而具有質感,令人感覺舒適。

由實木樑架分隔空間,致古典又有開揚視覺效果。
由實木樑架分隔空間,既古典又有開揚視覺效果。

此外,小編亦留意到,悄悄嘅座位分布亦較一般食店疏落,比如店面有近一半空間係走廊及陶瓷陳列架,另一半則係木架榻榻米卡位,深入店內,座位與座位間都有一米半以上距離,睇得出Vincent唔會為多做幾枱客生意,夾硬將餐廳設計得非常擁擠,有考慮顧客感受。

編輯評審

味道:4

環境:4

服務:4

CP值:3.5

(*5為最高分)

【詳情】

悄悄食堂 Chew Chew

地址:大角咀荔枝角道143號​

IG:@chewcheweat

Leave a Comment

Related Posts 相關資訊