Last Updated on 06/05/2021 by FLOWSPACE.HK
意大利百年老店Pasticceria Giovanni Pina 1920，今年1月正式進駐香港，主打傳統意大利菜及烘焙糕餅，係意菜迷嘅必到之處！品牌第三代傳人Giovanni Pina更親身到港坐鎮，堅持採用家鄉食材、烹調技法，慕求向大家呈現原汁原味嘅家族風味。
內容目錄
意大利甜點大師主理 捍衛家族口味
Pasticceria Giovanni Pina 1920開業逾百年，至今已由第三代傳人承接業務。與品牌同名，第三代傳人名為Giovanni Pina，據說這同時係佢祖父及父親嘅名字，屬家族性名字，目的係希望子孫可將呢份煮食工藝承傳下去。與此同時，Giovanni Pina傳承祖父及父親嘅天賦，喺1994年就獲得國際糕點獎金牌及《甜點大師》榮譽稱號，到2009年更獲選為《全球100位最佳甜點大師》，喺意大利全國只有6人有呢份殊榮。
金雕玉砌 精致意大利風裝潢
喺露天茶座上，設有意大利金色街燈，貴氣逼人。 
K11 Musea嘅Pasticceria Giovanni Pina 1920最為華麗。
今次小編去咗K11 Musea總店，非常鍾意呢度充滿意式風情嘅環境，如貴賓房有意大利人手製嘅18K金吊燈、 陶瓷牆畫，露天茶座又有拱形屏風、歐洲街燈，加上直望K11 Musea嘅圓形展覽廳Gold Ball，View靚又好坐，打卡啱晒！
意大利直送食材 還原家鄉風味
食物方面，Pasticceria Giovanni Pina 1920係意大利殿堂級烘焙品牌，嚟呢度當然要試下一系列糕餅甜點！（更多店家甜品資訊，可詳閱以下連結：https://flowspace.hk/italy-cake-giovanni-pina/）另外，品牌亦主打傳統意大利菜，其中必試Risotto、Scrocchiarella、意式三文治等，選擇繁多。
至於食材，Giovanni Pina表示主要沿用意大利土產，好似Piedmont榛子醬、Sorrento檸檬、意大利特級米做嘅Risotto等，堅持選用家鄉食材，先可百分百還原家族口味。
✦ 利古里亞海鮮大燴配烤蒜香意大利包片 HK$248
集合多款肥美海鮮，如大蝦、帶子、青口、大蜆、八爪魚，加上酸甜醬汁，令人開胃。
✦ 24-month Parma Ham HK$168
嚟Pasticceria Giovanni Pina 1920必試手工製意式薄餅！薄餅口感香脆酥軟，芝士香濃，神來之筆係用上24個月風乾嘅鬈毛豬火腿，香濃肉味，令薄餅口感更佳。
✦ 墨魚墨汁意大利飯 HK$151
加入墨魚墨汁烹調嘅Risotto，沒有一般墨魚墨汁嘅腥膩感，甚至食時略帶一點甜味，非常高質！另外，八爪魚肉亦夠新鮮，肉質彈牙，吸盤位帶有點點微脆，口感豐富！
✦ 鮮松露意大利飯 HK$205
小編還是第一次試新鮮松露片！由於鮮松露保存較困難，市面大家一般都只係食到乾松露或油浸松露！呢度不惜工本用上鮮松露！令人驚喜！鮮松露帶有微微濕氣，更突顯松露香，口感就比乾松露軟少少，拌Risotto食，成件事好有嚼勁。
✦ 龍蝦意大利飯 HK$214
由龍蝦頭膏熬嘅龍蝦濃汁，非常鮮甜。龍蝦肉夠新鮮，肉質彈牙。
✦ 意大利傳統手工黑松露流心芝士飯團 HK$108
一口一件嘅傳統意式小食，入面釀滿流心芝士及黑松露飯，好香口，素食人士都可放心食用。
✦ 威尼斯式比目魚醬配意大利脆包片HK$115
小編第一次食用比木魚整嘅糕醬，味道偏淡但鮮味十足！將比目魚醬塗上烤包片上食，好香口鮮美！
✦ 有機英式早餐紅茶 HK$43
今次食唔少Risotto，所以order咗熱茶解膩。茶屬正常發揮，比較吸引我注意力反而係個茶壺！採用葡萄主題，睇上去特別華麗。
編輯評審
味道：4.5
環境：4
服務：4
CP值：4
（*5為最高分）
【詳情】
Pasticceria Giovanni Pina 1920 (K11 Musea)
地址：尖沙咀梳士巴利道18號Victoria Dockside K11 Musea2樓217號舖
IG：@giovannipinahk
Website: https://pasticceriagiovannipina.it/
