與純白嘅聖托里尼唔同，意大利南部城市Positano，建築物有著繽紛嘅色彩，加上絕美海岸線，被譽為人間天堂！雖則而家去唔到旅行，未能親歷其景，不過最近就有店子以Positano為靈感，打造充滿南意風情嘅臨海麵包及雪糕店——”Pane e Latte”！店子主打每日新鮮出爐嘅手工麵包、各式意大利美食、糕點、咖啡及葡萄酒，加上唯美嘅南意裝潢，令人猶如置身意大利！愛打卡及美食嘅朋友，一定不可錯過！
內容目錄
意大利小鎮為靈感 打造和暖海濱烘焙店
“Pane e Latte” 選扯赤柱大街，有著與Positano相似嘅背山面海地理格局。店面則採用Positano常見奶黃色摩爾式小屋設計，店內則有拱形門框、赤陶地磚、帶鏽鐵鏡子、Dusty Pink牆身、半透明窗紗，以及藝術油畫，由裡到外都充滿懷舊嘅意式風情。
第一次造訪，確實會比”Pane e Latte”嘅設計驚艷了，只係說，香港有咁精緻嘅店，實在太奢侈了！Pane e Latte以落地窗、粉紅色柱子和高聳又輕盈嘅窗簾勾勒出寬闊空間感，牆壁和櫃檯上掛滿來自米蘭嘅古董，包括罐子、繪畫和意大利海濱假期嘅真實家庭照片，就連陶器都來自米蘭和都靈嘅市集，每一處都細節滿滿，非常igable！
高質烘焙美食 舌尖上的意大利
“Pane e Latte”喺意大利文中，解作「麵包」和「牛奶」，店家希望透過呢兩款日常食品，呈現出意大利烘焙食品嘅親民風格。店子分兩層，地舖為麵包店及用餐區，地庫則為麵包工場，使用九種不同類型意大利麵粉，每日揉製及烘焙各式食品。Pane e Latte堅持只購買原材料再新鮮手工製作每樣材料和食品，所以出品均不含添加劑和防腐劑，味道與營養兼備。
麵包款式包括意大利傳統家常麵包 focaccia pugliese、不同類型嘅酸種麵包 sourdough、扁長麵包ciabatta、長棍麵包 baguette、黑麥麵包和脆皮牛油麵包 crispy brioche 等。
愛甜嘅朋友又可揀朱古力甜酥麵包 pain au chocolat、各種口味牛角包和意大利牛油麵包等，蛋糕櫃中則有雙層馬斯卡彭芝士蛋糕 double mascarpone cheesecake、紅莓夏洛特蛋糕 charlotte raspberry、提拉米蘇蛋糕tiramisu papillote 等招牌甜品，唔難選擇心頭好！
✦ Truffle Croissant HK$128
餐廳提供一系列全日早餐，當中一定要試招牌嘅松露炒蛋牛角包。喺嫩滑嘅炒蛋上，放滿即刨松露片，松露味濃郁，加上香酥鬆軟嘅巨型牛角包，足料又高質！
切開牛角包，酥皮層層分明，炒蛋及松露份量足。
✦ Strawberry Pistachio Dacquoise HK$58
酸甜嘅士多啤梨配上蛋白脆餅，口感唔錯，中間仲有開心果慕絲，堅果香濃郁，食完唔覺得膩。
✦ Chocolate Terimisu HK$42
由朱古力包裹嘅Terimisu，設計小巧獨特。Terimisu內有層層咖啡、芝士、冧酒及手指餅，口感豐富，整體味道唔算好甜。
✦ Salted Caramel Latte HK$48
海鹽微咸，更突顯咖啡嘅香甜綿密感。
編輯評審
味道：4
環境：4.5
服務：4.5
CP值：3.5
（*5為最高分）
【詳情】
Pane e Latte
營業時間：8am –21pm
地址：赤柱赤柱市場道25號啟厚閣地舖
IG：@paneelattehk | Facebook：@paneelattehk
