【2023】Bold Coffee | 文化傳承 深水埗布藝主題咖啡店

by FLOWSPACE.HK

去厭一式一樣嘅打卡Cafe,想去間有文藝氣息嘅,不妨選擇基隆街全新嘅”Bold Coffee“咖啡店!店子以深水埗的象徵「布」為主題,並設有一系列布藝裝飾,連Menu都特別設計成布辦模樣,猶如一間布藝博物館!食物方面,店家亦嚴用心製作,如用上日本刺身級靚蛋「夢王蛋」、自家製酸種包,營養及味道兼備!文青Cafe控必要來試試!

前身布行 延續舊區文化

Bold Coffee的老闆Kelvin表示,店家前身為布行,因布行老闆年事已高,所以放租比佢哋搞咖啡店。有感舖頭曾為布行、香港布業又日漸息微,如果只是開間普通嘅Cafe,猶如埋沒咗呢區嘅獨特文化,因此,Kelvin 就索性以「布」做主題,透過Cafe形式,將本土布藝文化傳承比年輕人。此外,他還指取名”Bold” ,另一種意思係近來香港環境不太好,好多人選擇移民,至今仍留下來嘅人都唔容易,Bold亦係寄語留下來嘅人,可以勇敢面對生活。

店內有一面布藝裝飾屏風,用上多種唔同嘅布條打造。

為突顯布藝主題,店內放置唔少用布條編成嘅裝置藝術,連Menu都特地設計成布辦般,非常別緻!此外,小編好鍾意Bold Coffee入面嘅書架,擺放咗唔少香港布業嘅相關書藉,仲有色辦簿、古董相機、織布等展品,活用空間展現布藝文化!

高質食材 味道與賣相兼備美饌

✦ 夢王·卡邦尼意粉 HK$108

作為Cafe,食物上我覺得Bold都幾有誠意!好似店家招牌嘅卡邦尼,用上日本第一嘅刺身級靚蛋「夢王蛋」!即便卡邦尼醬都遮唔住佢啲蛋香,真心一試難忘!另外,佢哋嘅蛋黃醬都經過調配,唔似出面食開嘅咁濃咁杰,中間又有炒得酥脆嘅煙腩肉粒,相當惹味!

✦ 英式全日早餐 HK$128

呢度嘅All Day Breakfast質素都相當唔錯,有豬肉腸、奶油炒蛋、芝士大啡菇、黑糖酸種包及沙律,每樣配料都睇得出有用心去煮。好似奶油炒蛋,嫩滑大份,黑糖酸種包又係自家製,香脆可口!

✦ Espresso Tonic HK$35

呢度嘅湯力幾比到驚喜我,飲上口好滿爽,天氣熱就啱晒!用了埃塞俄比亞嘅咖啡豆,啡體果香重啲,帶水蜜桃同埋藍莓嘅清香,同湯力水勁夾!

✦ Marshmallow Chocolate HK$58

相比下,綿花糖朱古力就無咁大驚喜,用上5-60%嘅黑朱古力整。個人飲慣70%以上,略嫌呢度嘅版本較淡。據說因為多家庭客,Kelvin都有調低朱古力比例,迎合返小朋友口味。朱古力含量濃淡屬個人喜好,喜不喜歡就見人見智。

✦ 昭和布丁 HK$48

作為布丁控,見到布丁當然要試試…!呢度嘅布丁都係用日本蛋,幾重蛋香,夠嫩滑,質感不錯。我鍾意佢哋層自家製焦糖醬,唔死甜,食完唔會有種好膩感覺。

【詳情】

Bold Coffee

地址:深水埗基隆街122號地舖​

營業時間:10am – 6pm

​IG: @boldcoffee.hk | FB:@boldcoffee.hk

Leave a Comment

Related Posts 相關資訊