無得飛嘅日子，Cafe似乎成為人們假期休憩嘅好Hea處。最近佐敦咗一間新茶室”Wonderlous“，結合Cafe、花店及Workshop於一身。據店員所講，店長正係來臨嘅客人可以得到真正放鬆，休憩一下，所以店子亦唔似一般Cafe般推滿座椅，而係採取預約制，並每節預留2個鐘比大家慢慢Chill。
喺現時金錢掛帥嘅開Cafe風潮下，能有咁嘅心態，真係相當佛心呢！
內容目錄
別緻乾花與鮮花花房
喺用餐嘅過程，確係非常舒適，唔會好似平時去其他Cafe咁，坐到密質質，左右都係人。唯一個要注意嘅位係訂位人數頗多，好似我咁就提早2星期先Book到位，聽店員講，而家佢哋要排到5月先有位…大家去時一定要向店家官方IG查詢清楚哦！
此外，小編好鍾意店子放滿花草，置身其中都好有去咗外國花園嘅感覺。鍾意可以買花束回家，又或者參加香水調製班，感覺成個設計都係為女生而設，不失為一個閨蜜好去處！
窗邊掛滿乾花，好有異國風味。 
長身儲物櫃，散發濃濃文青味。 
可以係店內預訂花束。 
店內有售大量特色盆栽。
簡單輕食 精緻水果花茶
“Wonderlous”只供應簡單嘅啡茶及輕食，主餐則來自隔離餐廳”Hara”（中午12點後才有）。小編來得早，只係嘗過水果茶及窩夫，飲品倒是不錯，食物就只屬一般。
✦ Tropical Fruit Waffle HK$68
窩夫都幾多水果，好似無花果、芒果、士多啤梨同埋蜜桃等，感覺好fresh！另配有朱古力醬，可惜略嫌窩夫太甜，有啲咬緊砂糖嘅feel。
✦ Grand Apple Rose Tea HK$68
好鍾意呢款茶呈粉紅色，打卡100分！加咗蘋果嘅緣故，茶體偏酸，拌偏甜嘅Waffle嚟食，感覺都唔錯。
✦ Almond Hazelnut Piccolo HK$45
朋友啊打咗杏仁榛子咖啡，佢表示榛子同埋杏仁嘅味都幾香濃，飲上口好順滑，味道不錯。
編輯評審
味道：3
環境：4.5
服務：4
CP值：3.5
（*5為最高分）
【詳情】
Wonderlous
地址：佐敦官涌街4號
