隨著晚市重開，好多餐廳都推出抵食優惠！好似皇家太平洋酒店嘅Pierside Bar & Restaurant，最近就推出「1-2-3 Combo」優惠，即1個價錢HK$158，可任選2款飲品及3款指定小食！另外，仲有所有飲品半價；惠顧2杯飲品即送一份小食；所有小食只需HK$38等優惠，餐廳仲要對住維港靚View，真係CP值爆燈！
內容目錄
淋羅佐酒美食 抵食放送
Pierside Bar & Restaurant嘅「1-2-3 Combo」嘅美酒美食，選擇多多。好似佐酒小食，基本上都有數十款！另外，店家仲提供埋酒店旗下「沙嗲軒」嘅招牌東南亞美食，好似海南雞飯、沙嗲串燒及德國脆炸豬手等等…價錢同沙嗲軒係一樣，價錢約喺百五蚊上下，且份量大，以同等維港靚view酒店嚟講，相當抵食！
至於飲品，Coctail單點一杯價位約HK$48-HK$208，非酒精雞尾酒亦整體都唔過百，唔難搵到想飲嘅嘢。此外，酒杯造型都好別致，有蘑菇款，亦有漏斗雙層款，喺出面非常少見，打起卡嚟，非常igable！
沙嗲軒 東南亞菜餚
次次去親沙嗲軒必食嘅招牌無骨海南雞飯，呢度都食到！😍
勁鍾意呢度嘅海南雞真係做得好嫩！而且雞肉味濃，水準真心比得上星馬食到嘅水準！最讚係呢度嘅雞皮唔似出面食到咁，有一層厚油，雞皮食上口有啲脆脆口感，口感一流！
口講無憑，睇相就知，叉同埋豬手嘅比例真係非常誇張！原隻炸豬手都係賣138蚊，就算係普通嘅餐廳都未必做到呢個價錢。豬手外樣酥脆香口，入面嘅豬肉卻好嫩滑， 鹹香肉味濃，且切得好細薄，一啖酒一啖豬手，真係絕佳組合！
呢款併盤有齊豬、牛、雞嘅串燒，每款都有3串，食肉獸啱晒！
我勁鍾意佢哋嘅自家製沙嗲，有好多花生，香香甜甜，食完好開胃。另外，拌菜又有洋蔥及青瓜，食完濃味串燒食少少，解膩又reflash下味蕾，感覺真係唔錯！
必食佐酒小食
迷你漢堡都幾足料，有牛肉、蘑菇、蕃茄、生菜同埋芝士，睇落去唔大份，但食上口都幾飽肚。另外仲有一個松露汁，點住嚟食，佐酒一流！
一份有大概七至八粒嘅牛柳，完全冇筋，好濃嘅牛味同埋多肉汁，意外地高質！
薯條粗切，咬上去外脆內粉，口感不錯。仲撈咗啲松露醬，夠晒香口。
食上口好惹味，酸辣度適中，雞翼外脆內多汁，點藍芝士汁食，好正！
精緻Cocktail/Moctail 品酒兼打卡
香甜極易入口，加上新鮮草莓，好解暑！
雜果加上美酒梳打，飲完好reflash！帶點藍色素，睇上去十足藍精靈蘑菇屋呢！
編輯評審
味道：4
環境：4
服務：4
CP值：4
（*5為最高分）
【詳情】
堤岸酒吧及餐廳 Pierside Bar & Restaurant
地址：尖沙咀廣東道33號皇家太平洋酒店海景翼大堂高座
網址：https://www.instagram.com/royalpacifichotel/
