【2021】Lion Rock 聯乘 CANVAS | 瑰麗仙境下午茶

by FLOWSPACE.HK
帝京酒店 Lion Rock 聯乘澳洲有機香薰護膚品牌CANVAS嘅「瑰麗仙境下午茶」。
帝京酒店 Lion Rock 聯乘澳洲有機香薰護膚品牌CANVAS嘅「瑰麗仙境下午茶」。

大部分女生對玫瑰都零抗拒力!如果妳也是玫瑰粉絲,咁就一定唔可以錯過帝京酒店Lion Rock聯乘澳洲有機香薰品牌CANVAS嘅「瑰麗仙境下午茶」!​下午茶以品牌王牌成分奧圖玫瑰為主題,融入唔同嘅花果元素,製作出11款鹹甜點心。其中,最吸睛就係紅桑子荔枝玫瑰慕絲蛋糕,配合乾冰,上枱嗰下隨即散發陣陣仙氣!超Igable!視覺味覺雙重滿足!

整套下午茶以花果為題,精緻又美味。
下午茶以奧圖玫瑰為題,精緻又美味。

​​精緻花香鹹甜美點 彷如走入春日玫瑰仙境

護膚品牌CANVAS,以草本成分融合香薰美學智慧,研發出一系列天然有機護膚產品。當中,品牌王牌奧圖玫瑰極緻系列,就係以奧圖玫瑰、佛手柑、天竺葵及廣藿香香薰油為基礎,今次大廚就以其一系列玫瑰產品為靈感,設計出多款美味茶點。

✦ 甜點​

紅桑子荔枝玫瑰慕絲蛋糕,單係造型已成功取悅人心!
紅桑子荔枝玫瑰慕絲蛋糕,單係造型已成功取悅人心!

包括: 紅桑子荔枝玫瑰慕絲蛋糕、佛手柑玫瑰芭菲、玫瑰草莓西瓜蛋糕、青檸玫瑰花水信玄餅、紫羅蘭雜莓帕芙洛娃​

紅桑子荔枝玫瑰慕絲蛋糕係成套下午茶嘅主角,切開內層係紅桑子荔枝玫瑰慕絲,咬落去有粒粒紅桑子及荔枝果肉,更添口感,而底層係海綿蛋糕,加上以乾冰造成煙霧效果,恍如置身仙境之中!另一套超槍眼甜品就係佛手柑玫瑰芭菲!甘甜佛手柑慕絲與士多啤梨玫瑰果醬味道配合,底層柑肉味道帶微酸,不但中和甜度,更帶來一抹清新,最靚係頂層以朱古力砌成嘅玫瑰,睇得又食得。如果鍾意清新,一定要試玫瑰草莓西瓜蛋糕!CANVAS為澳洲品牌,所以大廚特別加入澳洲必食美食之一「西瓜蛋糕」,蛋糕有香甜嘅玫瑰雲呢拿慕絲、清甜西瓜片、士多啤梨啫喱及香脆果仁達克瓦茲,層層相間,層次豐富。紫羅蘭雜莓帕芙洛娃以蛋白餅夾著雜莓及紫羅蘭慕絲,蛋白餅外層酥脆,內層則如棉花糖般軟黏;而夾層嘅雜莓及紫羅蘭慕絲酸甜有致,每口盡是甜蜜滋味。青檸玫瑰花水信玄餅相對就係清新之選,寒天粉加入玫瑰花瓣做成水信玄餅,晶瑩剔透,玫瑰猶如綻放於水信玄餅之中,相當精緻。

✦ 鹹點​

除咗甜點,一系列嘅鹹點都非常吸引!
除咗甜點,一系列嘅鹹點都非常吸引!

包括: 龍蝦沙律撻、 松葉蟹肉玉子卷、火炙三文魚卷、櫻花海老軟心芝士、迷你碎吞拿魚腩丼​

龍蝦沙律撻,大廚會先將龍蝦拆肉及調味,龍蝦鮮甜,肉質爽彈,配上底層沙律,令味道更添清新。日本的經典美食又怎少得玉子燒?松葉蟹肉玉子卷,大廚以松葉蟹肉為餡料,以一圈圈雞蛋包裹著松葉蟹肉,外層帶有微微焦香,入口蛋香濃郁,配合松葉蟹肉嘅鮮甜,無論大人或小朋友都難以抗拒!香港女生特別鍾情日本美食,尤其是壽司!火炙三文魚卷經火炙過的三文魚,油香爆發,並於口中徘徊,久久不散,令人再三回味。櫻花海老軟心芝士選用法國金文拔芝士(Camembert),蘸上以櫻花蝦磨成嘅粉末、蛋漿及自家製麵包糠,炸至金黃色,芝士帶軟心效果,外脆內軟;櫻花蝦嘅鹹香與芝士香氣一拍即合,又係小編嘅另一至愛!


✦ 特飲​

Rose Latte(左)、Rose Garden(右)
Rose Latte(左)、Rose Garden(右)

包括:Rose Garden、Rose Latte​

是次下午茶特別調配兩款特飲Rose Garden及Rose Latte,兩款同係粉紅色,女生一定難以選擇。凍飲Rose Garden以新鮮檸檬汁、梳打水、紅石榴及玫瑰糖漿調配而成,入口清新;不想選擇凍飲,不如來一杯暖暖嘅Rose Latte,奶泡綿滑,玫瑰花瓣綴於奶泡上,帶有陣陣玫瑰幽香。


✦ 瑰麗仙境下午茶 HK$508(兩位)​

P.S. 由即日至6月30日期間,凡惠顧兩位用套餐,可獲贈CANVAS玫瑰全日呵護套裝及香薰口罩配飾(每份價值HK$495),又食又拎爽YY!

同場加映:瑰麗仙境住宿計劃

帝京酒店豪華客房。
帝京酒店豪華客房。
CANVAS臻緻亮澤嫩肌精華露。
CANVAS臻緻亮澤嫩肌精華露。

未能出發去旅行,留係香港Staycation(本地度假)都是放鬆減壓嘅好方法。帝京酒店由即日起至6月30日與澳洲有機香薰護膚品牌CANVAS,攜手推出住宿連下午茶計劃,包括入住面積350平方呎的豪華客房住宿一晚、享用以玫瑰為主題嘅「瑰麗仙境下午茶」,及免費獲贈CANVAS臻緻亮澤嫩肌精華露試用裝10ml乙份,比大家與摰愛享受悠閒時光,好好放鬆一下。

住宿連下午茶計劃包括「瑰麗仙境住宿計劃」(每晚 HK$750 起 *)及「瑰麗仙境連豪華套房住宿計劃」(每晚 HK$1,200起 *),詳情可查詢:https://www.royalplaza.com.hk/en/

*須另加一服務費

編輯評審

味道:4

環境:4

服務:4

CP值:4

(*5為最高分)

【詳情】

Lion Rock​

地址:旺角太子道西193號帝京酒店3樓​

網址:https://www.royalplaza.com.hk/en/

Klook.com

Leave a Comment

Related Posts 相關資訊