Last Updated on 03/07/2021 by FLOWSPACE.HK
Omakase即廚師發辦，係日本料理最高境界之一，食嘅係對廚師嘅信任、講究要用最時令食材以及專業廚藝能力，所以貴得有理。位於尖沙咀嘅「豐 Sushi Yutaka」主理人為 Michael Chan，為前日本首相橋本龍太郎之御廚松戶利雄入室弟子，盡得師傅真傳。最近趁晚市重開，店家推出晚市網上預訂優惠，訂餐可享第二位半價優惠，即係最平$744就品嘗到首相級Omakase！今次小編就同大家試菜，睇下係咪真係咁恰如其分，揭開被譽為首相級Omakase嘅神秘面紗！
壽司豐位於漆咸圍，位置並唔難搵。 
壽司豐比一般Omakase店大，仲設有廂房。 
店門以簡約黑金為主。
壽司豐由Michael Chan 主理，主打江戶前熟成拖羅。
內容目錄
日本豐洲空運食材 白神山水烹調
品嘗 Omakase 廚師發辦前，一定要知 Omakase唔單係一餐Fine Dining，仲係一場美食與文化嘅深度體驗。廚師準備Omakase前，先要知道有啲咩時令食材，識得揀上品食材，同埋確保食材質素良好及貨源穩定。壽司豐嘅食材均來自日本豐洲魚市場，均係時令春天新鮮空運食材，如三月時令北海道活毛蟹、「海中紅寶石」喜知次、「鯛魚之王」真鯛、鎮店名菜熟成拖羅、「令和怪物」北海道令和生蠔、北海道根室海膽等等。另外，所有料理仲以白神山水烹調，連水一箱箱空運到港，慕求每個細節都呈現日本嘅原汁原味。
豐‧特上 Omakase 春季至時令滋味
現時壽司豐，晚市套餐主要分「錦‧上 Omakase」及「豐‧特上 Omakase」兩款，價錢都只係差200蚊，連埋第二位半價優惠，更只係差100蚊，卻可試多好幾款魚鮮及菜餚，所以小編強烈建議大家嚟食Omakase，一定要揀「豐‧特上 Omakase」套餐！
是日前菜
薄切刺身
即便擺盤亦一絲不苟。 
𩶘魚、帆立貝及金目鯛刺身，配上海膽乾及岩鹽，鮮甜香口。
時令特上刺身
師傅快速切好肥美大拖羅。 
以蘋果木煙燻大拖羅，嘗鮮同時帶有淡淡木香。 
大拖羅入口即化，經過煙燻，滋味更有層次感。 
鮮甜爽口嘅象拔蚌刺身。 
沖繩特產海葡萄。 
兵庫縣時令螢光魷魚，皮薄脆，內裡藏著肥美嘅魚膏。
煮物
特上壽司、燒物
火灸左口魚，逼出油香。 
壽司豐用嘅左口魚，必須要1.2kg以上，肉質最為肥美。
活赤貝，放上壽司飯時，仍會微微抖動。 
熟練嘅握功，壽司飯完全唔會散開。
經過火灸，再放上白昆布。 
配上脆口紫菜及姜碎。
師傅會即時將赤身放入醬油中漬製。 
赤身醬油漬味道濃郁，肉質鬆軟。
大拖羅混合了煮酒、昆布、木魚花和醬油，再存放係4℃左右作低溫浸醃7日。 
師傅快速剪碎京蔥。 
師傅將大拖羅壽司放在手掌上炙燒，功夫神乎其技。 
大拖羅入口即化，鹹而甘香，同時拌隨微辛嘅京蔥，為味蕾帶來強烈沖擊。
京蔥江戶前熟成拖羅壽司係Michael嘅成名技藝，亦係壽司豐嘅招牌名菜。喺日本古時並無冷凍櫃，魚肉容易變壞，所以人們諗到利用唔同方法為魚肉作熟成，以延長保存期。好似脂肪較多嘅拖羅，稍傅表示自己會先拖熱水再浸冰水，令肉質結實，然後再放入煮酒、昆布、木魚花和醬油中，存放在4℃左右作低溫浸醃，熟成7日。熟成咗嘅魚肉，適合用來作壽司，其鹹鮮滋味與米飯最為匹配，層次味道亦較新鮮刺身來得豐富，估唔到喺香港都可嘗到咁高水準嘅熟成拖羅壽司。
最後一味壽司就係澎湃嘅北海道根室海膽壽司！喺脆口嘅紫菜中，係肥美嘅根室海膽，入口即化，海膽鮮甜creamy，為凍盤畫下完美句號。
湯品
是日甜品
麒麟 35 純米大吟釀
配魚生點少得一杯馥郁甘香嘅清酒？小編今次揀咗「麒麟 35 純米大吟釀」，最鍾意佢口感清澈、滑順，帶有米嘅輕甜味及淡淡嘅果香，配合清淡料理最為合適，好似前菜、海鮮類和刺身等，著重食材本身天然鮮味嘅日式料理。
錦‧上 Omakase
價錢：$1488／位；第2位半價$744
是日前菜、薄切刺身、時令精選刺身、旬之壽司、煮物和燒物、湯品及是日甜品
精選食材包括：帶子、赤身、北海道根室海膽、拖羅、深海池魚、銀雪魚等等*
*以上食材視乎實際供應情況或季節性
豐‧特上 Omakase
價錢：$1688／位；第2位半價$844
是日前菜、薄切刺身、時令特上刺身、特上壽司、煮物和燒物、湯品及是日甜品
精選食材包括：北海道活毛蟹、令和生蠔、象拔蚌、真鯛、活帶子、熟成拖羅、北海道根室海膽、赤身醬油漬、活車海老、螢光魷魚、喜知次等*
*以上食材視乎實際供應情況或季節性
優惠日期：即日至4月15日
網上預訂即上：http://bit.ly/2YWMVwb
編輯評審
味道：5
環境：4
服務：4.5
CP值：4
（*5為最高分）
【詳情】
豐 Sushi Yutaka
地址：尖沙咀漆咸圍2-4號金時商業大廈地下8-14號舖
Facebook：@sushiyutakahk ｜ IG：@sushiyutakahk
