【2023】荃灣下午茶 | 步入精靈之森 Sensu綠野仙蹤下午茶

by FLOWSPACE.HK
日系Café Sensu分店進駐荃新天地,推出限定「綠野仙蹤下午茶」。
日系Café Sensu分店進駐荃新天地,推出限定「綠野仙蹤」下午茶。

提到近來荃灣新開嘅打卡餐廳,荃灣荃新天地嘅日系Cafe Sensu 下午茶一定榜上有名!​全店以精靈之森為主題,一系列垂吊嘅藍調花、樹木設計,加上燈飾,睇上去好似有螢火蟲,猶如精靈出沒嘅聖域,充滿童話氣息!​喺食物方面,如總站一致,主打精緻嘅和洋輕食,好似魚生丼、定食、漢堡、吐司、意粉或Pizza等,價錢仲好親民,不失為一個理想嘅閨蜜好聚處。​最近,我仲發現Sensu推出全新嘅「綠野仙蹤」下午茶!人均百零蚊就可以嘗到8款鹹甜美點及2杯飲品,唔夠喉仲可以優惠價追加3款或6款小食,啱晒唔同食量人士需要!

藍白精靈之森 多處浪漫打卡位

入店即見挺拔藍色大樹,感覺好華麗。
入店即見挺拔藍色大樹,感覺好華麗。

Sensu荃新天地新店嘅森系主題,加上MUJI嘅素淡淺木色,有種日系與精靈之森結合嘅感覺。除咗同銅鑼灣總店一樣,設有大量藍調花和木色設計,餐廳正中間仲放有一棵挺拔嘅藍色大樹,感覺好華麗!另外,店內仲有一個藍色垂吊花草區,並以燈飾營造出螢火蟲般嘅光點,專比人打卡之用,無論係享受餐點定打卡都好啱!

8款基礎鹹甜美點 ​按個人喜好添食

追加3款小食,會有專用盤子另上。
追加3款小食,會有專用盤子另上。

餐點方面,新店加推咗限定嘅「綠野仙蹤」下午茶,設有8款基本輕盈點心,分別有日式炸豆腐、芝士年糕、鬆餅、布朗尼、乳酪杯、雲卷和蘋果撻等等,另加$58或$88,即可加配3至6款鹹甜點心,比大家按個人食量,添加合宜嘅份量,無論係為食精,或雀仔肚嘅朋友都可一一滿足。

包括:日式炸豆腐、芝士年糕、鬆餅、布朗尼、乳酪杯、雲卷和蘋果撻等等​

甜品之中,我最愛係雲卷,口感鬆軟,配上酸甜嘅果香,相當開胃。另外,香桃奇亞籽乳酪杯都唔錯,香甜嘅蜜桃下,底部係新興嘅健康食材奇亞籽及乳酪,營養豐富,味道同健康兩者兼得。​

鹹點,蝦多士就係我至愛,將人手打成嘅蝦滑,加入大粒彈牙嘅蝦肉,嚼勁及蝦味十足,配埋香烤多士,香脆、彈牙、鮮味三種滋味,令人一試難忘。​

Marble Florals
Marble Florals


✦ Marble Florals HK$88(下午茶半價加配)​
由番茄、紅菜頭、蜜桃汁、椰子水同埋熱情果醬打造嘅沙冰,飲上口一啲都唔膩,清甜,感覺舒服。​

Golden Mist
Golden Mist

​✦ Golden Mist HK$88(下午茶半價加配)​
呢款個飲品成份會比較複雜,有桂花香梨撻、茉莉花茶、糙米茶、菠蘿汁、芒果汁、酸橙汁、粟米蓉及熱情果醬打造,酸中帶甘甜,味道層次豐富。​

Sensu餐廳每個位都好精緻,無論愛吃或愛打卡嘅朋友都能滿足!
Sensu餐廳每個位都好精緻,無論愛吃或愛打卡嘅朋友都能滿足!

✦ 「綠野仙蹤」下午茶 HK$168​
(另外加配3款點心 HK$58;6款點心 HK$88)​

餐廳環境,仿佛令人融入大自然般,好不浪漫。
餐廳環境,仿佛令人融入大自然般,好不浪漫。

編輯評審

味道:4

環境:4.5

服務:4

CP值:3.5

(*5為最高分)

【詳情】

SENSU

地址: 荃灣楊屋道1號荃新天地一期UG樓78號舖

FB:@hksensu | IG:@hksensu

Leave a Comment

Related Posts 相關資訊