【2021】權八開業八周年 限定廚師發辦

by chuchucheung

愛日本料理嘅朋友有福了!最近適逢權八居酒屋已邁入8周年,所以推出連串慶祝活動!呼應「八」呢個吉祥數字禮遇,打響頭炮有「漫味八年禮饌廚師發辦」,可以試勻店家招牌嘅串燒、蕎麥麵和壽司,更有買一送一限時優惠及餐飲禮券等,令人可以旬價歎到色香味俱全嘅和味佳餚!

傳統江戶居酒屋裝潢 備長炭特色串燒

居酒屋權八於八年前登陸香港,將地道嘅居酒屋飲食文化引進香港,全店大玩傳統江戶風裝潢,木色主調,用上大量古舊船木及石材,古典中帶優雅感。店家主打三大招牌菜系:串燒、蕎麥麵和壽司,串燒出名即叫即燒,選用備長炭,火力均勻,燒物份外外脆內香;店內仲自設蕎麥麵製作室,比大家睇到製麵過程之餘,還可即食新鮮蕎麥麵;壽司食材則每日由日本直送,質素及味道都備受肯定。

漫味八年禮饌廚師發辦

想一次過食勻串燒、蕎麥麵和壽司,一定要試「漫味八年禮饌廚師發辦」!是次八道菜廚師發辦晚市盛宴,食材網羅自日本南北各地精品,菜式包括北海道帶子、鰈魚海膽卷等三款刺身、火灸和牛壽司、風味地道嘅汁煮沖繩豚足、權八馳名汁燒免治雞肉串與日本榮螺等四種熱門炭燒美食,仲有招牌名物權八手打冷蕎麥麵,最後以自家製水信玄餅作甜美嘅句號。每晚 5:30pm開始供應,價目係HK$888,以晚間Omakase嚟講真心唔貴!

「漫味八年精彩廚師發辦」八周年限定套餐 HK$88

好嘅食材真係呃唔到人,基本上每款刺身都令人有種幸福感受,其中小編最愛係鰈魚海膽卷,鮮甜、煙韌嘅鰈魚,內裡係濃郁、入口即化嘅海膽,好正!另一款火灸和牛壽司,和牛肉味濃郁、肥美,經火灸半生熟,帶點脆口,點上新鮮嘅wasabi,食完真係想再encore 多十件!至於甜品水信玄餅都比到我驚喜感,清甜,入口即化,伴隨黃豆粉及黑糖醬食,好治癒!​

想食得最抵,仲可登記成炭"1957 & Co. Loyalty Program"會員,即可享有二人同行一人免費優惠!而每四位惠顧漫味八年精彩廚師發辦,仲可獲HK$888現金券乙張於下次光顧使用,非常化算!

日本直送時令魚鮮 壽司及刺身拼盤

除咗廚師發辦,權八亦有一系列必食壽司及刺身!如果有選擇困難,可以好似小編咁揀「特上10件壽司」及「精選5點刺身」,一口氣嘗盡日本最時令嘅食材滋味!

特上10件壽司 HK$568

包括:海膽壽司、三文魚籽壽司、帶子壽司、牡丹蝦壽司、深海池魚壽司、真鯛魚壽司、油甘魚壽司、赤身壽司、大拖羅壽司、鯛魚壽司(按時令,壽司款式會有所調整)

精選5點刺身 HK$538

包括:牡丹蝦、帶子、油甘魚、金目鯛、赤身、赤鯥魚刺身(追加HK$276)、銀雪魚刺身(追加HK$200)

Masu 朝日鷹特選本釀造 HK$88

嚟得居酒屋,當然唔少得飲清酒啦!權八嘅選擇頗多,今次八周年禮遇都挑選咗朝日鷹、新酒、生貯藏酒、特撰本釀造為晚宴加添姿彩。如欲以清酒佐餐,只需另加HK$88便可享用朝日鷹清酒(180ml),物超所值,愛酒嘅朋友不可錯過!

編輯評審

味道:4.5
環境:4
服務:4
CP值:3
(*5為最高分)

【詳情】

權八居酒屋
營業時間:午市 11:30am – 2:30pm;晚市 5:30pm – 10pm
地址:香港銅鑼灣希慎道33號利園一期4樓
IG:@hkgonpachi | Facebook:@gonpachihk

Leave a Comment

Related Posts 相關資訊