元朗12月新店 | 木系和食店 喬木ARBOR 精緻家庭式料理

by FLOWSPACE.HK
喜歡和食嘅朋友,一定唔可以錯過元朗新開嘅喬木!
喜歡和食嘅朋友,一定唔可以錯過元朗新開嘅喬木!

元朗國真係食日本嘢嘅天堂,想當年呢度發明咗拖鞋壽司,紅極一時,近年又開咗勁多燒食店、抹茶甜品店,想食咩日系料理都有!​上個月,小編又發現馬田開咗間專食日本家庭式料理嘅小店——「喬木ARBOR」!提供一系列精緻嘅定食,好似親子雞、京蔥豚肉、吉列三文魚….. 全部餐都包茶碗蒸、前菜、味噌湯、烏冬及飯,非常豐富,喺度食飯,好似真係去咗日本嘅和食店咁!

簡潔裝潢 溫暖木傢俱 巨窗引入自然光

L形店子非常少見,卻有一份簡撲之美。
L形店子非常少見,卻有一份簡撲之美。
店內兩個門口都有大窗,引入自然光!木傢俱感覺窩心!
店內兩個門口都有大窗,引入自然光!木傢俱感覺窩心!

喺分享食物前,先講講喬木的裝潢。初初以為和食店都會帶有日本風味,估唔到呢度又唔係,反而好文青,更似一間咖啡店!

首先,成間店以杏色、白色及木色為主調,文青標誌顏色。其次,店子呈L型,兩邊各設一個接近落地嘅長方形大窗,充分引入自然光,配上白淨牆身,簡約又美觀。第三,進入店中,滿眼盡係清一色木傢俱,一盞盞米黃色射燈,營造咗一種溫暖感覺。整體感覺係咪似入咗間coffee shop?可惜呢度唔賣咖啡呢!

十款配菜連主食 CP值爆標午市定食

午市定食雖然無甜品,不過份量非常充足!
午市定食雖然無甜品,不過份量非常充足!

今次小編係嚟試午市定食,相比起全日定食會比較平啲,但主食、配菜、湯連白飯,加加埋埋都有10款,食物量真係非常多!店家仲附設無限添飯服務,唔夠,more多,即便大男人都絕對夠飽!

✦ 親子雞定食 HK$98​

日本家庭常食嘅親子雞!半生熟蛋,加嫩口雞肉,非常好味!
日本家庭常食嘅親子雞!半生熟蛋,加嫩口雞肉,味道唔錯!
雞肉質感係唔錯,不過略嫌淡咗少少。
雞肉質感係唔錯,不過略嫌淡咗少少。

呢款親子雞嘅蛋煮得好滑,半生熟質感唔錯。洋蔥食得出炒過,幾香口。至於雞肉就屬正正常常,唔乾柴,不過略嫌淡味少少,無咩雞味。​

✦ 京蔥豚肉 HK$108​

對比親子雞,京蔥豚肉會濃味一點。
對比親子雞,京蔥豚肉會濃味一點。
豚肉彈牙,京蔥惹味,好送飯!
豚肉彈牙,京蔥惹味,好送飯!

呢款京蔥炒豚肉真係炒得好香,豚肉爽口得嚟幾嫩滑,加埋微辛嘅京蔥,成件事幾惹味,唔錯!​

豐富配菜 營養均勻又滋味

日本定食之所以有好多細份、一碟碟嘅配菜,目的都係想食嗰個人可以食多更多款式嘅食物,攝取唔同營養,達至均衡飲食。係呢方面,喬木都做到好足,每一款午市定食,附贈松葉蟹肉茶碗蒸、三點前菜、漬物牛油什菌淺利味噌湯、迷你烏冬、白飯,樣樣有啲,​高纖又多漬物,消化都好啲!

漬物牛油什菌淺利味噌湯,好濃味,底部有唔少蜆呢!
漬物牛油什菌淺利味噌湯,好濃味,底部有唔少蜆呢!

喺咁多款配菜中,個人都幾鍾意漬物牛油什菌淺利味噌湯,好濃味及足料,牛油香,加上蜆肉鮮甜,喺凍冰冰嘅天氣下,飲完好暖胃!​

松葉蟹肉茶碗蒸,略嫌質地實咗啲,未有入口即化嘅口感。
松葉蟹肉茶碗蒸,略嫌質地實咗啲,未有入口即化嘅口感。

至於松葉蟹肉茶碗蒸就比想像中濃郁,水蛋偏實,唔係出面食到咁水汪汪,但一定要趁熱食,一凍咗,蟹肉就會有腥味。​

牛舌好嫩口,肉味香濃!
牛舌好嫩口,肉味香濃!

前菜之中,有款牛舌條幾嫩,質感不錯!食時夾雜胡椒及洋蔥味,好開胃!

每份定食都配個小烏冬,好煙韌。
每份定食都配個小烏冬,好煙韌。
日本珍珠米,上面放滿白飯魚,仲可以無限任添!
日本珍珠米,上面放滿白飯魚,仲可以無限任添!
餐前會附上支豆,止下口癮。
餐前會附上枝豆,止下口癮。

另外有埋枝豆,邊食邊等上餐,感覺不錯!​

編輯評審

味道:4

環境:3.5​

服務:4

CP值:3.5

(*5為最高分)

【詳情】

喬木 ARBOR

地址:馬田路38號怡豐花園地下63-64號舖

FB: 喬木 ARBOR | IG:arbor_2020

Leave a Comment

Related Posts 相關資訊