【2023】Chit Chai | 新店登陸元朗 精緻日本家庭式料理

by FLOWSPACE.HK

還記得錦上路嘅日系家庭式料理小店Chit Chai嗎?原來上星期搬咗去元朗!地點更方便之餘,饍食種類仲比舊店豐富!一系列日式定食、茶漬飯、鍋物,飲品除signature嘅印度香料奶茶,又多咗多款梳打、台灣高山茶,不失為一個Chill爆嘅好去處!​

優雅小清新 乾花香燭小店

✦ 蒲燒鰻魚鍋飯 HK$98​

喺舊店時就一直想試嘅鍋飯!可惜當時咁啱無,今次終於喺新店食到啦!
蒲燒鰻魚香脆Juicy,啖啖肉,品質不錯!至於米飯都幾有驚喜,用日本米,飽滿而香糯,配鰻魚汁食好治癒!另外,跟套嘅豆腐味噌湯都幾足料,個底有好多豆腐粒及海帶,湯都飲得出唔係溝粉嘅hea嘢,整體味道好滿意!​

✦ 海老天丼定食 HK$98​

可能拍攝關係,食時凍咗少少,有啲可惜!不過食到個炸皮薄身,唔會一口油,相信熱食一家好正!天掃羅有2隻大蝦、蕃薯、南瓜及青椒等,跟飯及湯,我覺得呢個價都唔貴!​

✦ 東方美人茶 HK$68(套餐半價加配)

Order咗定食,又可半價點飲品。今次我要台灣嘅東方美人茶,店家會預先泡好比客,不是茶包形式咁出。​
茶味都夠濃,帶甘香,易入口,感覺食完鰻魚後配飲,幾消膩!

✦ 一千零一夜 HK$48(套餐半價加配)​

個名幾得意,擺盤都超有心思!茶底係紅茶,可自行加奶及紅冰糖,其中,糖盅仲係可愛嘅小鳥造型,超igable!​

✦ 無花果焙茶蛋糕 

呢款焙茶蛋糕幾得意!上層係切片無花果果凍,底層則係焙茶蛋糕。入口先係清甜嘅果凍,隨即係濃郁嘅焙茶cheese cake,雙重口感!個人仲好愛呢款甜品不太甜,食完都無好膩嘅感覺!​

總結:整體味道及CP值都不錯嘅小店!非常值得再Encore!不過全店入門最igable嘅​榻榻米位比較逼,兩份定食都無唔到,食時有點逼,兩個女生還好,但男生坐就有點辛苦。

【詳情】

Chit Chai​
查詢及訂座:5201 0822
地址:元朗裕榮徑11號好旺洋樓地下17號舖​
IG:@chitchaistudio | Facebook:@ChitChaipastrystudio  

Leave a Comment

Related Posts 相關資訊