【2021】 花月庭聯乘《比得兔2:走佬日記》 尋兔樂園自助晚餐

by FLOWSPACE.HK

今個暑假,帝京酒店花月庭將聯乘《比得兔2:走佬日記》,推出尋兔樂園自助晚餐!仲特別設置期間限定嘅比得兔主題甜品區、墨綠色農夫車沙律區,一盤盤以比得兔作主打嘅主題食物,款款各具特色,身為粉絲一定可可錯過!此外,自助餐仲主打多款回本美食,如和牛肩、花膠、龍蝦、長腳蟹、鴨肝等所製作嘅菜式,無論大人或小朋友都可一次過滿足!

花月庭比得兔主題甜品

參考咗《比得兔2:走佬日記》,花月庭設計出多款自家製主題甜品,無論係打卡還是味道都十分高質!

✦ 合桃甘筍芝士蛋糕
✦ 比得兔藍莓蛋糕

其中,必試合桃甘筍芝士蛋糕,約30厘米高的巨型「甘筍」,係合桃甘筍芝士蛋糕!由數層甘筍合桃蛋糕及芝士忌廉互相交疊而成,「芝」味香濃。加上以壓碎的朱古力曲奇作為盆栽「泥土」,與朱古力紅蘿蔔造型相映成趣,令整體感覺更添玩味!想嘗口味更輕盈嘅蛋糕,又可嘗比得兔藍莓蛋糕,蛋糕由海綿蛋糕、藍莓雲呢拿忌廉、藍莓醬及新鮮藍莓相間而成,層次豐富。

✦ 比得兔精選甜品
另外,仲有多款比得兔精選甜品,包括香蕉豬古力撻、紅菜頭奇亞籽棒棒蛋糕、黑芝麻拿破崙、太陽花馬卡龍棒棒、紅桑子番茄白朱古力慕絲蛋糕等,甜品控一定不可錯過!

週五至日、公眾假期及前夕 享用升級美饌

除咗甜品,花月庭嘅各式美食亦同樣精采,每逢週五至日、公眾假期及前夕更有一系列升級美饌,設有更多矜貴菜式,包括凍龍蝦、磯燒日本陸奧灣帆立貝、台式鮑魚滷肉煲、椰子海螺燉雞湯、北京片皮鴨等,令人目不暇給!

✦ 即開法國生蠔​
作為蠔怪,小編當然第一時間衝去蠔吧!是次,餐廳主打法國生蠔,體積偏細,但肉質超鮮甜,最正係個裙邊,食上口好爽!一試難忘!

✦ 刺身、卷物、壽司​
花月庭出名多刺身及卷物!刺身都有甜蝦、三文魚、吞拿魚、八爪魚、墨魚、金槍魚、赤貝……一碟每樣2件,大滿足!刺身肉片都唔流,幾厚肉!另外,卷物中我最愛鰻魚卷,入面包有青瓜絲及甜蛋,幾開胃!

✦ 日式燒物
令我有驚喜係,花月庭自助餐都幾多日式燒物!好似鰻魚串、雞軟骨肉丸串、燒帶子、天掃羅、燒牛舌…選擇超多,加杯生啤,十足十去咗居酒屋!我好愛雞軟骨肉丸串,食上口,入面全係雞軟骨碎,卜卜聲,好有咬口!​

✦ 北京填鴨
中菜選擇都超多,有蒸魚、燒味、燉湯…當中,收本兼好食嘅一定係北京填鴨!大大塊片皮鴨加上醬汁及青瓜,正!

編輯評審

味道:4.5
環境:3.5
服務:3.5
CP值:4
(*5為最高分)

【詳情】

花月庭​
營業時間:6am –22pm
地址:旺角太子道西193號帝京酒店2樓
IG:@royalplazahotel | Facebook:@royalplazahotel

Leave a Comment

Related Posts 相關資訊