南豐紗廠 | 10月萬聖節限定 伊藤潤二詭異世界主題展

by chuchucheung

今個10月萬聖節檔期,南豐紗廠嘅籌備已久「走進伊藤潤二的詭異世界」體驗展,終於「驚」喜登場!有別於一般偌大嘅開放式展覽,是次紗廠特別打造狹迫壓抑嘅體驗空間,加上1:1真人比例嘅漫畫主角模型,比人以第一身視覺親自走進伊藤潤二嘅漫畫世界,正視其作品所投射的內心恐懼!

狹窄空間 渲染詭異壓迫感

據南豐紗廠市務總監梁婉玲小姐(Ellie)表示,「走進伊藤潤二的詭異世界」體驗展籌備工作超過一年,對於南豐紗廠來說,係一個全新嘗試。今次展場選址偏離主要通道嘅The Annex舉行,呢節空間狹小迎合咗「走進漫畫的一格」嘅主題,比觀眾走進The Annex通道時,有覺得同紗廠其他部份截然不同嘅感受,彷彿步入伊藤老師詭異世界嘅新鮮體驗。

她還表示,狹窄展覽空間可營造壓迫感,更能夠表現故事裡人性嘅壓抑,讓細小空間的挑戰反變成了展覽嘅點睛之處;團隊更特別加入1:1真人比例模型以增加體驗現場感,讓觀眾仿親歷其境嘅第一身視覺。

巨型2.4米富江震撼登場   
雙一 / 蛞蝓少女 / 偷窺狂活現眼前

展館中最大亮點,可睇到2.4米嘅《鬼屋》版富江怪物。
展館中最大亮點,可睇到2.4米嘅《鬼屋》版富江怪物。

伊藤潤二漫畫最引人入勝嘅地方,就係佢對人性和心理細膩演繹,而且每個年齡層及時代都可有不同體會!今次體驗展共選咗五個不同嘅漫畫故事為主題,如《十字路口的美少年》、《雙一恣意的詛咒》、《蛞蝓少女》、《沒有道路的街道》與《富江‧鬼屋》,當中四位漫畫主角,雙一、富江、蛞蝓少女和偷窺狂,變成了1:1真人比例模型。而大家最期待、伊藤潤二老師筆下最美嘅女性 ── 富江,打破一貫嘅美麗誘人形象,以2.4米高、極震撼嘅《鬼屋》怪物造型登場,定必成為體驗展嘅焦點!

場景1:《十字路口的美少年》

場景2:《雙一恣意的詛咒》

場景3:《蛞蝓少女》

場景4:《沒有道路的街道》

場景5:《富江‧鬼屋》

南豐紗廠 x 伊藤潤二 別注版茶巾

是次展覽不設周邊,但隨入場券會贈送一款別注版茶巾!茶巾上印有伊藤老師嘅漫畫主角及紗廠,材質精美,勁有收藏價值!

【詳情】

南豐紗廠「走進伊藤潤二的詭異世界」
地點:南豐紗廠M層 The Annex(荃灣白田壩街45號)
日期:即日起至2021年10月31日
門券價格:HK$180
購買連結:https://www.bookyay.com/events/5629499534213206

Leave a Comment

Related Posts 相關資訊