【2023】Lau Bistro​ | 「腐」負得正好心情 全港首間腐乳主題餐廳

by FLOWSPACE.HK

腐乳營養豐富兼香口,是有代表性嘅民間小食!近來,小編發現中環開咗香港首間腐乳主題餐廳”Lau Bistro”!廚師巧手將腐乳融入各式西餐,打造特色嘅港式西餐,如店內招牌椒絲腐乳卡邦尼意粉、南乳炸雞球配薯條、腐乳鹹蛋黃炸魚皮、以及腐乳咖啡湯力…等等,味道別樹一格!令人驚喜!

由「負」生樂 創意腐乳料理

艾綠,當腐乳發酵時會產生嘅自然色彩,亦係Lau Bistro嘅主色調,加上店內黑白菱形磚、併貼海報,驟眼望落帶有歐陸風情之餘,又有點舊茶記嘅味道,與「食材街」結志街形成鮮明對比!據店家所指,選用腐乳為主題,一來因為腐乳係香港標誌民間小食,喻意4位店長們熱愛香港嘅情愫;二來腐乳被譽為「中國芝士」,既健康又百搭,喺烹調上有好大發揮空間,可產生變化萬千嘅菜餚。Lau Bistro正係一個創意舞台,將店長們嘅巧思以味覺方式呈現,帶比人嶄新驚喜。

此外,Lau Bistro又取「腐乳」嘅諧音「負語」,喺店內貼了4位店長嘅負能量話語,寓意每個人都有個腐壞嘅過去,懂得與苦共處,擁抱生命中嘅各種不圓滿,先可以體驗快樂嘅可貴。​

✦ 椒絲腐乳卡邦尼意粉 HK$98​

Lau Bistro嘅卡邦尼,減少旦黃醬比例,加入腐乳醬,食上口反而無咁膩!無傳統卡邦尼太濃重嘅口感,相對地,仲多咗一陣腐乳特有嘅細滑豆香,個人是超推薦!此外,小編好鍾意店家加入微辣嘅椒絲,食上去惹味,層次更豐富!

✦ 南乳炸雞球配薯條 HK$78​

呢款炸雞球真係不得了!雞球外皮炸得脆薄香口,入面即係Juicy細嫩嘅雞肉,熱食不得了!此外,好鍾意店家自家製嘅南乳醬,帶點微微啲發烤酒香,濃郁豆脂香,意外地與炸物好夾!

✦ 腐乳鹹蛋黃炸魚皮 HK$68​

呢款腐乳鹹蛋黃炸魚皮好足料!炸魚皮上有一層均勻且厚嘅鹹蛋黃碎,食時香脆香口,夾雜著淡淡腐乳香,幾惹味!個人覺得食呢款炸魚皮係好正嘅下酒菜,多配一杯啤酒,同朋友一齊Chill下一流!

Lau Bistro設有一系列港式特飲,味道令人難忘。

✦ Lau White(腐乳咖啡湯力) HK$45​

除咗食,店家仲將腐乳加入咖啡,真係令人大開眼界!😳 今次小編試咗招牌Lau White,飲品底部係店家自家製嘅腐乳汁,上面則是咖啡湯力。攪拌後飲用,隻味真係勁夾!好似飲緊芝士奶蓋咖啡,但相對嚟講口感無咁膩,爽口濃郁共治一爐,好特別!淨係為呢杯飲品,都值得我一去再去!

✦ Salted Plum Latte HK$45 ​

除咗腐乳食品,呢款話梅咖啡都令人超驚喜!店家用上優質話梅粉,加入口感香濃綿密嘅latte中,飲上口帶點酸甜,為奶啡帶來更豐富嘅層次感!

P.S. 以中環區嚟講,食物質素+份量,整個Menu個價錢都幾良心!而且腐乳係相當有營養嘅食物,對於喺呢頭做嘢嘅上班族就啱晒!

【詳情】

Lau Bistro
地址:中環結志街46號地舖
營業時間:8am – 10pm
IG: @lau.bistro.hk | FB:@laubistro 

Leave a Comment

Related Posts 相關資訊