【2021 】1月新Tea | 帝京Lion Rock聯乘Elizabeth Arden 春日水漾下午茶

by FLOWSPACE.HK

Last Updated on 20/01/2021 by FLOWSPACE.HK

水漾春日下午茶以護膚品牌Elizabeth Arden嘅產品為靈感打造,加上當造嘅草莓,充分滿足品嘗美食及影相打卡雙重慾望!
水漾春日下午茶以護膚品牌Elizabeth Arden嘅產品為靈感打造,加上當造嘅草莓,充分滿足品嘗美食及影相打卡雙重慾望!

又到草莓季!近來多間酒店下午茶都換上草莓主題!小編身為下午茶怪,當然要精選好嘢同大家分享!​喺咁多間酒店中,今次我就揀咗帝京酒店Lion Rock,皆因佢哋嘅「水漾春日下午茶」,聯乘咗聞名嘅護膚品牌Elizabeth Arden,並以品牌招牌產品「透明質酸膠囊」為靈感,炮製一系列鹹甜美點,無論係打卡或味道都令人滿意!​

紅金色主調 招牌膠囊造型甜品

金紅色鹹甜美點,顏色鮮艷而吸睛。
金紅色鹹甜美點,顏色鮮艷而吸睛。

Elizabeth Arden嘅膠囊精華係其招牌產品,向來都多女士Fans。今次酒店大廚除了以全新嘅透明質酸豐盈保濕膠囊為靈感外,更以其品牌嘅主色調設計成甜品,以及時令日本草莓,鹹甜美點造型精緻,靚到令人唔捨得食!

✦甜點​

包括:金箔櫻花水信玄餅、草莓白朱古力慕絲蛋糕、草莓抹茶朱古力千層酥、草莓意大利芝士慕絲、54% 朱古力草莓慕絲蛋糕伴草莓漿球​

金箔櫻花水信玄餅。
金箔櫻花水信玄餅。

講到賣相最靚,一定係金箔櫻花水信玄餅!晶瑩嘅寒天入面有鹽漬櫻花,食時散發淡淡幽香,仲有整片金箔作點綴,令人少女心爆發!​

54% 朱古力草莓慕絲蛋糕伴草莓漿球
54% 朱古力草莓慕絲蛋糕伴草莓漿球。
草莓漿由慕絲蛋糕中流出,令人食指大動!
草莓漿由慕絲蛋糕中流出,令人食指大動!

其次,我勁鍾意54% 朱古力草莓慕絲蛋糕伴草莓漿球!大廚以Elizabeth Arden招牌嘅膠囊精華為靈感,模仿膠囊精華的金色球其實是流心草莓漿球,一切開即流出草莓漿,充滿視覺效果。下層的仲有朱古力草莓慕絲蛋糕,外層則係瑞士蓮出產嘅54%黑朱古力所製成嘅慕絲,內有法國野草莓及日本草莓果蓉製成的啫喱,整體味道層次分明,個人最為喜愛!​

草莓抹茶朱古力千層酥。
草莓抹茶朱古力千層酥。

大廚先以草莓做成慕絲,並夾於自家製嘅千層酥之中,香滑嘅慕絲配上酥脆的千層酥,令人吃不停口,慕絲中更藏著草莓啫喱,增加口感。最上層嘅日本草莓,旁邊則唧上抹茶軟心朱古力,茶味與朱古力嘅比例恰到好處。

草莓意大利芝士慕絲。
草莓意大利芝士慕絲。

原粒日本草莓放置於甜品杯中,伴以手打忌廉及馬斯卡邦尼芝士(Mascarpone Cheese)慕絲一同進食,入口奶味香濃而幼滑,果肉香甜多汁,底層再加入野莓啫喱,有助提升口感。

草莓白朱古力慕絲蛋糕。
草莓白朱古力慕絲蛋糕。

金色朱古力脆片下,是以港人所愛的朱古力品牌-瑞士蓮出產嘅36%白朱古力炮製而成嘅慕絲,奶味香濃。蛋糕內特別加入草莓啫喱及海綿蛋糕,細嚼更可品嚐到草莓果肉,莓香與白朱古力嘅奶香一拍即合!

整體嚟講,令我驚喜係全部甜品都唔會太甜,感覺係平時外面食嘅下午茶嘅半糖程度,啱晒怕肥又為食嘅女生!😜​

✦鹹點​

包括:松葉蟹沙律、火炙三文魚手鞠、黑松露野菌玉子燒、碎吞拿魚腩牛油果最中餅​

火炙三文魚手鞠。
火炙三文魚手鞠。

我次次嚟Lion Rock,最期待都係佢哋嘅鹹點,大多以刺身或壽司為主,精緻程度拍得住Omakase!​
今次鹹點之中,我最愛火炙三文魚手鞠壽司,名字是其外形與手鞠球相似而來,Size小巧,放入口中剛剛好,經過火炙,三文魚油香於口中徘徊,感受滿滿嘅幸福滋味。​

碎吞拿魚腩牛油果最中餅。
碎吞拿魚腩牛油果最中餅。

另外,我未食過「最中餅」係用紅豆蓉以外嘅食材整!😂酥脆嘅最中餅,配合切碎嘅吞拿魚腩及牛油果,成件事幾fresh,雖然味道幾得意,不過個人還是較愛紅荳餡。​

黑松露野菌玉子燒。
黑松露野菌玉子燒。

第三令我印度深刻,莫過於黑松露野菌玉子燒!睇落簡單平凡,但食得出好有心機,一圈圈玉子入面夾咗野菌及黑松露配料,外層微微焦香,內層又有芬香嘅黑松露及野菌,食一舊絕對唔夠喉!​

松葉蟹沙律。
松葉蟹沙律。

大廚將松葉蟹拆肉及調味,再砌成蟹肉小山丘放於青瓜上,進食時記得要一同放入口中,松葉蟹嘅鮮味於口中爆發,配合清新爽脆嘅青瓜,立即喚醒味蕾。

赤酢草莓多士。
赤酢草莓多士。

以酒粕發酵嘅「赤酢」,帶有豐醇嘅酒香,同酸甜嘅草莓幾夾,食完幾開胃。

✦ 甜蜜特飲​

兩款特飲,左:Ocean Blue;右:White Tea Latte。
兩款特飲,左:Ocean Blue;右:White Tea Latte。

今次特飲係Ocean Blue及White Tea Latte。粉藍色嘅Ocean Blue,其實係以蘋果汁加入鮮奶及藍糖水調成,酸酸甜甜,加上薄荷葉增添清涼感;而White Tea Latte就以壽眉、鮮奶、薰衣草及玫瑰糖水調成,奶泡香滑,中間散發壽眉及花香,清新怡人,真係唔錯!​

首推四層架外賣下午茶

水漾春日下午茶連同四層架。
水漾春日下午茶連同四層架。

今次Lion Rock仲首度推出下午茶外賣及外送服務,下午茶連雅緻四層架,令人安坐家中都可以享受美點,而家係網上商店訂購更可享8折優惠!

編輯評審

味道:4

環境:4​

服務:4.5

CP值:3.5

(*5為最高分)

【詳情】

Lion Rock

地址:九龍太子道西193號帝京酒店3樓

網站:https://www.royalplaza.com.hk/hk/lion-rock/

Leave a Comment

Related Posts 相關資訊