Last Updated on 14/04/2021 by FLOWSPACE.HK
作為香港人，由細食粵菜食到大，偶然都想食下新派煮法。今次小編就去去年12月開幕嘅東涌世茂喜來登酒店中菜館「采悅軒Yue」嘗最新嘅時令菜品！采悅軒Yue嘅行政主廚鍾志強師傅，曾勇奪香港澳門米芝蓮一星榮譽、擁有30多年粵菜經驗，壇長糅合多個中餐菜系嘅精髓，打造嶄新嘅粵菜新面貌。今次就同大家一一分享，嘗主廚嘅心得名菜！
內容目錄
現代中國風的設計 時尚高貴
裝修採現代中國風，開揚光猛。 
靠窗位置還可看到海景，景觀一流。
采悅軒Yue主打現代中國風裝潢，放有大量中國藝術品作陳設，再襯托桃花心木紋餐桌坐椅，睇上去高貴時尚。另外，餐廳靠窗位置均可觀賞海景，光猛開揚，為大嶼山少有嘅精緻粵菜食府。
本地食材入饌 呈現地道滋味
采悅軒Yue行政總廚鍾志強師傅，擁有34年粵菜經驗，曾為沙田利苑酒家奪得米芝蓮一星。佢表示粵菜不止係鮑參翅肚、一味貴咁簡單，反而係一種味覺嘅極致挑戰！如何將時令食材，或身邊唔起眼嘅食材提升至最美味咁呈現，先係「真功夫」。喺鍾志強師傅嘅巧思下，采悅軒Yue推出嘅粵菜都有著唔同嘅呈現方式，好似大家最常食到廣東點心，全部師傅都加咗全新元素，好似柚子蝦餃或火鴨酥等，比大家嘗到傳統滋味，同時不失驚喜。
采悅軒Yue招牌名菜：
✦ 柚子蝦餃（三件）HK$68
呢款蝦餃好別致，模仿咗桔仔打造！師傅話呢款點心係賀酒店開幕時設計，桔型取個好意頭，大吉大利咁解！至於味道，餃皮加咗橘子汁、柚子及花蜜，帶點清新香味，意外地同蝦餃幾夾！
✦ 天鵝酥（三件）HK$88
感覺係芋泥酥嘅味道，外層好酥脆，入面饀料好惹味！幾好味，肥都抵！
✦ 川味玫瑰鮑片 HK$498
原隻鮑魚切片，砌成花形，淨係個樣都加惹少！味道有啲似涼拌菜，帶少許麻辣，挺特別。
✦ 燈影藕片 HK$98
加入梅窩出嘅龍眼蜂蜜，味道脆脆地得嚟香甜。
✦ 蜂蜜牛肉 HK$128
牛肉同樣以梅窩蜂蜜入饌，搭配自製蘿蔔糕，甜中帶鹹
✦ 火瞳菊花菜HK$98
參考上海菜嘅火瞳翅做法，以火瞳上湯煨之，配上花形娃娃菜，成件事好鮮甜。
✦ 薑味繡球 HK$88
構思來自淮揚菜的繡球豆腐湯，不過製成甜品版的薑茶豆腐花，豆腐滑溜細緻，薑味濃郁。
✦ 悅茶 HK$60
綠茶加上薑汁及桃汁，清香得嚟有少少薑辣感。
編輯評審
味道：4.5
環境：4.5
服務：4
CP值：3.5
（*5為最高分）
【詳情】
采悅軒 Yue
地址：東涌怡東路9號香港東涌世茂喜來登酒店2樓
FB：@SheratonHongKongTungChung | IG：@sheratonhongkongtungchung
Klook.com
