Häagen-Dazs™粉絲有福了！最近Häagen-Dazs™聯乘香港萬麗海景酒店，推出初夏限定「繽紛果漾幻想曲」下午茶，並於酒店內嘅Mirage Bar & Restaurant享用。今次下午茶仲將Häagen-Dazs™最新推出Cocktail Collection嘅其中兩款口味炮製成甜點，雞尾酒與雪糕共治一爐，味道進一步昇華！
Mirage Bar & Restaurant坐擁多幅落地玻璃窗，加上以綠色植物作裝飾嘅25尺高中央吧台，環境舒適。 
Mirage Bar & Restaurant位於酒店大堂內。
內容目錄
水果/雪糕/冧酒共治一爐 綻放熱帶風情
「繽紛果漾幻想曲」下午茶共有13款鹹甜點，融入唔同熱帶水果元素，加上Häagen-Dazs™雪糕與冧酒，輕量酒精為人帶來微醺感，好啱夏日享用。
✦Cocktail系列美點
包括：青檸摩奇多雪菓、菠蘿椰香雪糕
鹹甜點中，最獨特係兩款採用Häagen-Dazs™最新推出嘅Cocktail Collection製作嘅甜點。兩款皆加入了冧酒，好似青檸摩奇多雪菓以清新嘅青檸絲及青檸啫喱，散發清爽沁涼滋味，加上不含牛奶及雞蛋製作，適合素食者享用；菠蘿椰香雪糕就以Piña Colada雪糕，配搭椰絲、菠蘿果乾、及以朱古力仿椰子殼盛載，食時清新嘅菠蘿果香與椰香相互交融，綻放熱帶風味。
青檸摩奇多雪菓 
菠蘿椰香雪糕
✦ 甜點
包括： 香蕉拖肥撻、焦糖熱情果軟心朱古力、奇異果馬卡龍、荔枝馬丁尼慕絲蛋糕、萬麗芝士餅 傳統英式鬆餅、朱古力英式鬆餅
另外7款甜點亦極具特色，包括集焦糖香蕉、香濃朱古力慕絲及朱古力脆脆三重口感嘅香蕉拖肥撻，味道令人無法抗拒。奇異果馬卡龍加上朱古力飲管，睇上去十足一杯奇異果特飲，造型可愛。 荔枝馬丁尼慕絲蛋糕則有荔枝果肉餡，表面製成鏡面般光滑，令人忍唔住想咬一口。另外，仲有焦糖熱情果軟心朱古力、招牌萬麗芝士餅、傳統英式鬆餅（原味）及朱古力英式鬆餅，作為甜控表示非常滿足。
荔枝馬丁尼慕絲蛋糕 
奇異果馬卡龍 
萬麗芝士餅 
香蕉拖肥撻 
焦糖熱情果軟心朱古力 
傳統英式鬆餅、朱古力英式鬆餅
✦ 鹹點
包括：大蝦塔可餅配菠蘿莎莎及牛油果、手撕雞肉軟包配青檸及青蔥、西班牙白毛豬火腿蜜瓜沙律、煙三文魚牛角包配芒果及忌廉芝士
4款鹹點都加入大量水果，色彩繽紛，配搭令人胃口大開。大蝦塔可餅配菠蘿莎莎及牛油果，大蝦爽彈，加上酸酸甜甜嘅菠蘿，味道唔錯。手撕雞肉軟包配上青檸及青蔥，比想中清新，令人一食難忘。另外，西班牙白毛豬火腿蜜瓜沙律、煙三文魚牛角包配芒果及忌廉芝士，配Cocktail食用，佐酒最啱晒。
大蝦塔可餅配菠蘿莎莎及牛油果 
煙三文魚牛角包配芒果及忌廉芝士 
手撕雞肉軟包配青檸及青蔥 
西班牙白毛豬火腿蜜瓜沙律
透清涼之選 特調雪糕雞尾酒
隨著「繽紛果漾幻想曲」下午茶嘅推出，酒店仲特別推出兩款夏日限定嘅特調雪糕雞尾酒，可以享受到Häagen-Dazs™ Cocktail Collection與鹹甜點嘅獨有交錯口感。
Guilty Pleasure無酒精雞尾酒（另加HK$88）
以Häagen-Dazs™ Piña Colada雪糕結合熱帶果茶及柑橘糖漿，並配上菠蘿汁泡沫。菠蘿甜味中和了檸檬微酸口感，一解夏日悶熱感覺，豐富果香在口中纏繞，非常消暑。
Weigh to Go 含酒精雞尾酒（另加HK$108）
以帶有辛辣口味嘅海怪（Kraken）冧酒作主調，再加入青檸汁及黑莓醬，酸酸甜甜嘅味道帶出濃烈嘅熱帶風情，最後配上Häagen-Dazs™ Lime Mojito雪菓，多重口感衝擊味蕾，令你一試上癮，素食者都啱飲。
另設外賣版下午茶 將美點帶回家
「繽紛果漾幻想曲」下午茶提供外賣版，最遲於當天取餐前一小時前下單即可，並隨餐備有乾冰，方便大家帶回家慢慢享受！
編輯評審
味道：4
環境：4
服務：4
CP值：3.5
（*5為最高分）
【詳情】
「繽紛果漾幻想曲」下午茶
價格：HK$488（2人）
地址：灣仔港灣道1號香港萬麗海景酒店1樓（Mirage Bar & Restaurant）
預訂網址：[email protected]
更多資訊：https://www.haagendazs.com.hk/（Häagen-Dazs™官方網站）
* 另收取加一服務費
