今年雖無法出國，但亦能喺Hotel Icon嘅GREEN中邂逅浪漫！適逢情人節即將來臨，GREEN以巴黎為主題，與法國著名品牌Elle & Vire、Ile de France 及奢華朱古力品牌 La Maison du Chocolat合作，打造出14款鹹甜美點。點心放置喺艾菲爾鐵塔造型嘅三層架上，旨在帶大家「味」遊巴黎，令愛侶身在香港，仍可感受法國浪漫愛意。
內容目錄
聯乘法國三大著名乳製及朱古力品牌
酒店糕餅行政總廚何偉誠師傅（Danny Ho）採用法國著名品牌Elle & Vire嘅乳製品，引領賓客展開一趟舌尖體驗。其中，必嘗雜莓心形朱古力，師傅為雜莓醬為朱古力鋪上鏡面，造型精緻又美味。另外，朱古力知名品牌La Maison du Chocolat亦送上招牌牛奶果仁朱古力，令大家喺今次「巴黎之約」留下難忘回憶。除甜香四溢嘅甜點外，一系列以Ile de France芝士製成嘅鹹點更不容錯過，脆炸牛奶芝士配紅桑子醬，教人百種「芝」味在心頭，垂涎三尺！
✦ 經典配搭
包括：英式傳統鬆餅、法式蝴蝶酥、法式馬德蓮蛋糕
三款經典法式包點都係用Elle & Vire嘅奶油製作。主廚Danny有分享過，Elle & Vire對於甜點師傅嚟講，就好似袋界嘅Hermes，屬最靚最香嘅奶油。果真焗出嚟嘅三款包點都香氣濃郁，當中我最愛係蝴蝶酥，乾身得嚟鹹香，令人難忘。
✦ 甜點
包括：意式士多啤梨芝士玫瑰撻、士多啤梨馬卡龍配香檳啫喱、雜莓心型朱古力、芒果芝士蛋糕、意式雲呢拿奶凍、牛奶果仁朱古力
今次甜品，無論造型或味道都令我好滿意！意式士多啤梨芝士玫瑰撻，好靚嘅粉紅玫瑰造型，中心係士多啤梨醬，酸甜得嚟Creamy，一啖食晒剛剛好。意式雲呢拿奶凍亦令我難忘，質地真係非常香滑，好似燉蛋白咁，奶味仲濃郁添！至於雜莓心型朱古力，係成個Set最濃嘅點心，但係朱古力慕絲中，夾咗層酸甜嘅莓醬，食完都無負擔，好順喉。
✦ 鹹點
包括： 脆炸牛奶芝士配紅桑子醬、英式芝士多士、焗火腿芝士三文治、藍紋牛奶芝士配紅酒啫喱、香草鮮茄芝士串
是次鹹點都係用 Ile de France嘅芝士製作，整體味道都好重芝士味，作為芝士怪嘅我表示好滿意！其中英式芝士多士幾好，雖為多士，但食完唔會一口油，黃金多士口感脆薄，連茶飲真係一流。至於香草鮮茄芝士串就比較fresh，最啱食完濃味點心，食一串解膩。
✦ 升級加配
是次系列仲可以加HK$298，加配無限添飲香檳，好似今次小編就加咗瑪姆紅帶香檳（G.H. Mumm Cordon Rouge Brut N.V.），平時一枝都賣緊過千，基本上每人飲到1-2杯都抵返晒！酒體爽口芳香，最啱襯芝士及奶油點心食！
外賣版下午茶 將浪漫帶回家
想把甜蜜帶到家中嗎？「巴黎之約」浪漫下午茶亦另設有外賣套餐，外賣套餐主要以滋味甜點為主，隨餐仲會送上Moët & Chandon迷你香檳（200毫升）乙枝，比大家可與摯愛安在家中締造浪漫時刻。
編輯評審
味道：4
環境：4
服務：4.5
CP值：3.5
（*5為最高分）
【詳情】
「巴黎之約」浪漫下午茶
供應日期：即日至3月14日（堂食及外攜）
價格：堂食版每位HK$388*、二人HK$688*；二人外賣版HK$688
地址：尖沙咀科學館道17號唯港薈地下
預訂網址：@hotelICON
* 另收取加一服務費
