隨著香港迪士尼樂園慶祝 15 周年，「奇妙夢想城堡」登場後，樂園為迎接盛夏來臨，將於城堡舞台帶來全新戶外音樂派對《迪士尼尋夢奇緣》，以永不放棄嘅精神及夢想力量，傳遞快樂。團隊以全新嘅原創歌曲及重新編制多首迪士尼經典主題曲，再配上不同曲風以及充滿動感嘅音樂節拍，炮製一場目不暇給嘅音樂盛宴。大家將跟隨米奇老鼠與多位迪士尼朋友，投入一趟歡樂追夢之旅。
內容目錄
以追夢為題 為大眾帶來正能量
《迪士尼尋夢奇緣》係「奇妙夢想城堡」第一個專屬表演，由來自本地及世界各地嘅精英打造。整個戶外音樂派對共分為六幕，以迪士尼朋友嘅追夢故事為創作靈感，打造出多首原創主題曲。當中，「Follow Your Dreams」為整個音樂匯演嘅主題曲，加入K-pop、電子音樂、搖滾風格等元素，旋律歡快，節拍強勁，更有歌手現場演唱！鼓勵懷抱不同夢想嘅賓客，喺人生中不同階段，勇敢追隨自己所夢所想。
全新迪士尼主角組合 追夢故事逐個睇
戶外音樂派對共分為六幕，由米奇帶領登場，緊接而來係首次喺香港迪士尼登場嘅《玩轉極樂園》主角米哥（Miguel）、勇敢追夢的公主寶嘉康蒂（Pocahontas）和慕安娜（Moana），以及愛莎女王（Elsa），還有努力成就夢想嘅朱迪（Judy）及好友阿力（Nick）齊齊現身。
善用城堡 打造獨特舞台效果
特效團隊善用城堡特色糅合表演當中，如全城堡嘅護城河設有噴泉特效，因應每個迪士尼朋友追夢故事嘅高潮而起伏，水花亦隨著音樂節奏等舞動；城堡舞台更備有大型升降台，唔少驚喜會喺城堡舞台中央出現；加入
多款超大型道具，如風箏、「泡泡」氣球，以及大型人偶等，帶來悅目視覺效果。
【詳情】
演出地點：香港迪士尼樂園奇妙夢想城堡舞台
演出場次：全長約20分鐘,每天演出四至五場
首演：2021年6月30日隆重登場
查詢網址：香港迪士尼樂園官方網站
