【2020】12月新Tea | 屯門黃金海岸酒店 別致六角形架 甜蜜蜂蜜下午茶

by FLOWSPACE.HK

Last Updated on 13/02/2021 by FLOWSPACE.HK

造型精致嘅甜蜜「蜂」味下午茶。
造型精致嘅甜蜜「蜂」味下午茶。

疫情持續,通關無期,只好透過偽旅行,止止旅遊癮!其中,小編好推薦屯門黃金海岸酒店,呢度椰木樹影,擁有漂亮嘅海灘及住宿設施,猶如置身邁亞密般休閒!最近,酒店嘅餐廳「聆渢咖啡廳(Cafe Lagoon)」仲推出咗逢周末及公眾假期限定嘅甜蜜「蜂」味下午茶!下午茶以澳洲蜂蜜入饌,打造11款鹹甜美點,全部都潤補得嚟可口,加上點心均會盛放喺六角形嘅蜂巢形木架上,份外別致,無論賣相定味道都無得輸!​

遠離繁囂 休閒度假風

喺酒店內嘅聆渢咖啡廳,環境充滿熱帶風情,最適合偽旅遊!​
喺酒店內嘅聆渢咖啡廳,環境充滿熱帶風情,最適合偽旅遊!​
因為疫情關係,可能會被安排喺室內用餐,視乎酒店安排。
因為疫情關係,可能會被安排喺室內用餐,視乎酒店安排。

屯門黃金海岸酒店可以喺屯門市中心坐10分鐘車直達,遠離人多車多嘅市區,加上一系列娛樂設施、飲食餐廳、Spa、24小時健身中心、泳池及兒童遊樂場,不失為一個理想嘅度假好去處。

澳洲蜂蜜入饌 獨特三層架

甜蜜「蜂」味下午茶算係小編近來試過最滿意嘅下午茶,因為無論賣相定味道都落具心思。好似六角形三層架,聽酒店員工指,係酒店主廚們精心設計,然後自家製作而成,係出面絕對搵唔到一樣!喺架上放置一件件精美嘅美點,確係幾igable!至於食材,主要都以澳洲蜂蜜為主。眾所周知,澳洲無污染環境,產出嘅蜂蜜特別有名,呢個下午茶不惜功本用上靚蜜糖,可見確有誠意。

✦ 甜點​

包括:蜜糖焗迷你紫薯、香梨慕絲配雲呢拿香梨醬及蜜糖啫喱、紅石榴乳酪配蜜糖、伯爵茶慕絲配檸檬蜜糖醬、香蜜雜果仁曲奇條、蜜糖綠茶泡芙配蜜糖啫喱波、蜜糖鬆餅配果醬及奶油忌廉​

六角形鬆餅,其中一款醬係原件蜂巢!令人驚喜
蜜糖鬆餅配果醬及奶油忌廉​、香蜜雜果仁曲奇條。六角形鬆餅,其中一款醬係原件蜂巢!令人驚喜!
香梨慕絲配雲呢拿香梨醬及蜜糖啫喱
香梨慕絲配雲呢拿香梨醬及蜜糖啫喱
蜜糖綠茶泡芙配蜜糖啫喱波
蜜糖綠茶泡芙配蜜糖啫喱波
伯爵茶慕絲配檸檬蜜糖醬
伯爵茶慕絲配檸檬蜜糖醬
蜜糖焗迷你紫薯
蜜糖焗迷你紫薯
紅石榴乳酪配蜜糖
紅石榴乳酪配蜜糖

由於用蜜糖做主題,成個系列甜點嘅比例較多。令我意外係,呢度嘅甜品唔會話好甜,好啱我口味!​
個人至愛就係蜜糖焗迷你紫薯,香滑而濃郁嘅紫薯伴以清甜嘅蜂蜜,味道好有層次感!另外,蜜糖綠茶泡芙配蜜糖啫喱波都唔錯,濃郁嘅蜂蜜抹茶蓉,連脆皮泡芙食用,入口即化,好正!至於鬆餅都令我有驚喜,其中一款醬係原件蜂巢!甜而不膩,真係好高質!​

✦ 鹹點​
包括:松露蜜糖煎帶子菠菜包、照燒雞肉三文治配檸檬蜜糖醬、煙鴨胸配水㰖包及薰衣草蜜糖、蜜糖火腿芝士配迷你牛角酥​

照燒雞肉三文治配檸檬蜜糖醬、煙鴨胸配水㰖包及薰衣草蜜糖
照燒雞肉三文治配檸檬蜜糖醬、煙鴨胸配水㰖包及薰衣草蜜糖
松露蜜糖煎帶子菠菜包
松露蜜糖煎帶子菠菜包
蜜糖火腿芝士配迷你牛角酥​
蜜糖火腿芝士配迷你牛角酥​

鹹點之中,一定係松露蜜糖煎帶子菠菜包最正!大大粒爽口日本帶子,連同清香嘅菠菜包食,成件事好fresh!照燒雞肉三文治配檸檬蜜糖醬,以及煙鴨胸配水㰖包及薰衣草蜜糖都鹹中帶甜,食上口好開胃!​

✦ 特飲​
包括:蜜糖百香果茶、蜜糖草莓檸檬特飲​

左:蜜糖草莓檸檬特飲​、右:蜜糖百香果茶
左:蜜糖草莓檸檬特飲​、右:蜜糖百香果茶

兩款特飲都口感酸甜,消滯一流!百香果會偏酸啲,好啱伴濃味鹹點食;草莓檸檬就比較清甜,同甜品夾啲。​

充滿度假風嘅屯門黃金海岸酒店。
充滿度假風嘅屯門黃金海岸酒店。

編輯評審

味道:3.5

環境:4

服務:4.5

CP值:3.5

(*5為最高分)

【詳情】

甜蜜「蜂」味下午茶

供應日期:即日至3月31日(堂食)

價格:HK$548(2人)​

地址:屯門香港青山公路1號香港黃金海岸酒店低層地下

預訂:2452 8833 或瀏覽www.sino-hotels.com

* 另收取加一服務費

Leave a Comment

Related Posts 相關資訊