【2023】創意花藝咖啡店 Natura: | 百年輪夏季主題布置及菜單

今年春季開業嘅花藝咖啡店Natura:，出名店內花藝會跟據季節，令人時常造訪都有唔同體驗。繼上次櫻花主題，今個夏天Natura:就聯乘環保社會企業「香港木庫」，以「百年輪（Cen-Tree Rings）」為題，打造一系列木系布置及美食，透過本地百年古樹裝置及美食等形式，喚醒大眾對樹木嘅保育意識。另外，Natura:更推出「覓樹遊」城市追蹤打卡遊戲，憑與古樹打卡照，即可減5蚊消費優惠，次數不限！

打卡不忘保育 以回收木材打造藝術裝置

樹木與自然生態息息相關，一圈圈年輪亦猶如時間錦囊，承載著歷史變遷。可惜隨城市急速發展，繁忙嘅都市生活，多少人仍會乘涼樹下，靜靜欣賞呢份大自然嘅祝福？今次Natura: 與「香港木庫」合作，透過引入各款以香港本土回收木製成嘅室內藝術布置，比大家喺店內用餐同時，喚醒人們領略人與樹木嘅共生意義。

• 

• 

• 

• 

一踏入店舖，入口處即有巨型石陣。石陣以婚禮回收仿石材，再加上樹枝乾葉材製成，從石中仲有多條盤曲多姿嘅樹枝，象徵城市與自然融為一體，互相依存。咖啡吧枱上方仲掛著名為「浮嶼」嘅大型花藝裝置，由巨型桃花木丶自然風乾柔麗絲及保鮮繡球、滿天星製成，模仿咗香港常見嘅古樹「細葉榕」嘅形態。另外，店內仲有棵模仿節果決明型態嘅巨型樹枝裝置，由樹枝、保鮮雨傘芒和保鮮繡球花編織而成，模仿初夏時節、盛放着粉紅花蕾嘅稀有古樹。
多款形態嘅古樹及仿巨石，為Natura:營造出勢峭峻秀嘅感覺，展現出大自然嘅無窮生命力。

注入木系元素 低碳健康餐飲

除大型藝術裝置之外， Natura:亦配合「百年輪」主題，以古樹及大自然元素設計全新菜式。新款菜式鹹甜皆有，用料及賣相一貫店家嘅田園風格擺盤設計，外加多款純素甜點，洋溢盛夏風情。

鹹甜招牌窩夫 剌激味蕾

• 

• 

今次新菜單亦會推出兩款專為「百年輪」主題而設嘅特製窩夫，分別有「鰻魚．卷滑蛋窩夫」及「開心果年輪窩夫」。「鰻魚．卷滑蛋窩夫」為鹹食窩夫，止有蒲燒鰻魚及卷滑蛋，肉質嫩滑加上鬆軟香甜窩夫，甜甜鹹鹹，口感豐富。另外，鰻魚及滑蛋卷成店名中嘅冒號「：」，亦象徵咗店主欲與人連結及購通嘅意思。
至於開心果年輪窩夫無論係忌廉、窩夫都混合咗開心果製成，非常香口，旁邊仲有白玉小丸子及山形縣桃佐碟，層次豐富！此外，窩夫嘅擺盤都好有心思，好似一件木頭，勁有森林氣息！
不過，兩款窩夫都係三點後供應，想食嘅朋友要注意！

其他精選菜式（三點後供應）

日式卡邦尼一般都配上意粉，不過Natura:就用上富含膳食纖維嘅低卡蒟蒻麵！食完都唔會有罪惡感！呢款卡邦尼仲用咗煙肉丶洋蔥、日式香菇、北海道鮮忌廉，以及本地香港水耕沙律菜等材料，口感香濃煙韌，非常特別。

以酸種麵包作為菜式根本，並用咗日本新鮮黃鰭吞拿魚，鮮味十足！主廚仲加入新鮮BB車厘茄、沙律菜，並拌以日式紫蘇醬汁，成件事好清新，勁啱夏天食用！

Natura: 與「地衣菓子」合作 推出特色原創純素甜點

Natura:今次同本地純素甜點工作室「地衣菓子（Koke Lab）」合作，推出兩款純素甜點，包括「島嶼和山」及「落草與雨」。島嶼和山（純素小山園抹茶柚子撻）採用竹炭抹茶撻做底，並以柚子慕絲為海，上面則是精緻嘅半熟小山園抹茶石頭為山，非常精致。落草與雨（純素熱情果開心果慕絲）甜點中心係開心果抹醬，外面包著熱情果慕絲，製成圓形狀後再加上椰子果凍，模仿濕草地和水點。

清涼迎夏 招牌咖啡及夏季特飲

今次更新菜單，特別設計成適合夏季飲用嘅清爽口味，包括：「氮氣伯爵茶配花香咖啡」丶「柚子咖啡湯力」及「鮮奶黑芝麻抹茶」。氮氣伯爵茶配花香咖啡中，伯爵茶加咗埃塞俄比亞Shakiso濃縮咖啡，再注入氮氣，口感份外順滑，質地溫和，絲滑怡人。柚子咖啡湯力則將Espresso Tonic混合自家製柚子醬，Espresso濃烈香味配上Tonic Water嘅甜度，一解夏日悶熱。鮮奶黑芝麻抹茶不含咖啡因，以芝麻拿鐵抹茶澆頭嘅底座，喻意咗身處香港呢片石屎森林，更要明白保護樹木嘅重要性。

• 

• 

推限定回收木製品 「覓樹遊」打卡遊戲

Natura: 聯乘香港木庫推出嘅木製生活用品，均由再生木製造，鍾意嘅不妨選購幾款回家！另外，店家加推「覓樹遊」打卡遊戲，只要尋訪香城古樹，並合照打卡，出示比店員睇，即可享有減HK$5優惠，食嘢同時欣賞古樹風采，幾有意義！

編輯評審

味道：4
環境：4
服務：4
CP值：3.5
（*5為最高分）

【詳情】

Natura:​

營業時間：星期一至日 8:00am – 8:00pm
電話：28161601、28161603
地址：灣仔菲林明道8號大同大廈地下1-2號舖
IG：@naturahk.official | FB：@naturahk.official